പ്രമുഖ വ്യവഹാരി കൊളക്കാടന്‍ മൂസ ഹാജി അന്തരിച്ചു

മുക്കം(കോഴിക്കോട്): സാമൂഹികപ്രവര്‍ത്തകനും പൊതുതാല്‍പര്യം മുന്‍നിര്‍ത്തിയുള്ള വ്യവഹാരിയുമായിരുന്ന ചെറുവാടിയിലെ കൊളക്കാടന്‍ മൂസ ഹാജി(85) നിര്യാതനായി. പാലക്കാട് സിറാജുന്നിസ എന്ന പെണ്‍കുട്ടിയെ പോലിസ് വെടിവച്ചു കൊന്ന സംഭവം ഉള്‍പ്പെടെ നിരവധി കേസുകളില്‍ പൊതുതാല്‍പര്യ ഹരജികളിലൂടെ ശ്രദ്ധേയനായിരുന്നു മൂസഹാജി. അനാഥശാലകളിലെ ക്രമക്കേടുകള്‍ സംബന്ധിച്ച നിയമപോരാട്ടം, മാറാട് കലാപം സിബിഐ അന്വേഷിക്കണമെന്നാവശ്യപ്പെട്ടുള്ള പൊതുതാല്‍പര്യ ഹരജി എന്നിവ ഇദ്ദേഹത്തിന്റെ പ്രധാനവ്യവഹാരങ്ങളില്‍ പെട്ടതാണ്. ഭാര്യ: ഇത്തീരുമ്മ(അരീക്കാട് നെടിയിരുപ്പ്). മക്കള്‍: അബൂബക്കര്‍, നൗഷാദ്, ലിസിജ, പരേതനായ സക്കീര്‍ ഹുസയ്ന്‍. മരുമക്കള്‍: അഷ്‌റഫ് നരിക്കുനി, സലീന, ഹുസിന, സബീന. മയ്യിത്ത് നമസ്‌കാരം ബുധനാഴ്ച വൈകീട്ട് 4.30ന് ചെറുവാടി പുതിയോത്ത് ജുമാമസ്ജിദില്‍ നടക്കും.