സാമൂഹിക തിന്മകള്ക്ക് മതത്തിന്റെ നിറം, തീവ്രവാദ പ്രസ്ഥാനങ്ങള്ക്ക് നന്മയുടെ മുഖം; രണ്ടും സമൂഹത്തെ ദുര്ബലപ്പെടുത്തുമെന്ന് മുഖ്യമന്ത്രി
തീവ്രവാദ പ്രസ്ഥാനങ്ങള്ക്ക് നന്മയുടെ മുഖം നല്കുന്നത് സാമൂഹിക ഐക്യത്തെ ദുര്ബലപ്പെടുത്തും. സ്വാതന്ത്ര്യത്തിന്റെ പര്യായമായി വരെ അത്തരം പ്രസ്ഥാനങ്ങളെ ചിലര് ഉയര്ത്തിക്കാട്ടുന്നുണ്ട്. ഇത്തരം പ്രതിലോമകരമായ കാഴ്ചപ്പാടുകള് നമ്മുടെ സ്വാതന്ത്ര്യത്തെ അപകടത്തിലാക്കും.
തിരുവനന്തപുരം: സാമൂഹിക തിന്മകള്ക്ക് മതത്തിന്റെ നിറം നല്കുന്നതും തീവ്രവാദ പ്രസ്ഥാനങ്ങള്ക്ക് നന്മയുടെ മുഖം നല്കുന്നതും സമൂഹത്തെ ഒരുപോലെ ദുര്ബലപ്പെടുത്തുമെന്ന് മുഖ്യമന്ത്രി പിണറായി വിജയന്. സ്വാതന്ത്ര്യം തന്നെ അമൃതം ശതാബ്ദി ആഘോഷം ഉദ്ഘാടനം ചെയ്യുകയായിരുന്നു അദ്ദേഹം.
ഇന്ന് സമൂഹത്തിന് ഏറെ ആവശ്യമുള്ളതാണ് പുരോമനപരമായും മതനിരപേക്ഷമായും ചിന്തിക്കാന് ശേഷിയുള്ള തലമുറ. സാമൂഹ്യതിന്മകള്ക്ക് മതത്തിന്റെ നിറമുള്ള പ്രവണത ഉയര്ന്നുവരുന്നു. അതിനെ മുളയിലേ നുള്ളിക്കളയണം. സമൂഹത്തിന്റെ താത്പര്യത്തിന് വിരുദ്ധമായ പ്രവര്ത്തനങ്ങളില് ഇടപെടുന്നവരെ ഏതെങ്കിലും ഒരു വിഭാഗത്തിന്റേത് മാത്രമായി ഒതുക്കരുത്. അങ്ങിനെ ചെയ്യുന്നത് ആ തിന്മകള്ക്ക് എതിരായ പൊതു ഐക്യത്തെ ശാക്തീകരിക്കില്ല, സമൂഹത്തിലെ വേര്തിരിവ് വര്ധിപ്പിക്കുമെന്നും അദ്ദേഹം പറഞ്ഞു.
തീവ്രവാദ പ്രസ്ഥാനങ്ങള്ക്ക് നന്മയുടെ മുഖം നല്കുന്നതും സാമൂഹിക ഐക്യത്തെ ദുര്ബലപ്പെടുത്തും. സ്വാതന്ത്ര്യത്തിന്റെ പര്യായമായി വരെ അത്തരം പ്രസ്ഥാനങ്ങളെ ചിലര് ഉയര്ത്തിക്കാട്ടുന്നുണ്ട്. ഇത്തരം പ്രതിലോമകരമായ കാഴ്ചപ്പാടുകള് സ്വാതന്ത്ര്യത്തെ അപകടത്തിലാക്കും. ജാതിക്കും മതത്തിനുമതീതമായി ജീവിക്കാന് പഠിപ്പിച്ച ഗുരുവിന്റെ ഓര്മ പുതുക്കുന്ന ഈ ദിവസത്തില്, ജാതിയും മതവും വിഭജനത്തിനുള്ള ആയുധമായി ഉപയോഗിക്കുന്നവരെ പ്രതിരോധിക്കും എന്ന പ്രതിജ്ഞയാണ് എടുക്കേണ്ടതെന്നും മുഖ്യമന്ത്രി പറഞ്ഞു.
RELATED STORIES
ഐഎസ്എല്; സെമി ആദ്യ പാദത്തില് മോഹന് ബഗാനെ വീഴ്ത്തി ഒഡീഷ എഫ്സി
23 April 2024 5:57 PM GMTഐപിഎല്; ചെന്നൈക്കെതിരെ ലഖ്നൗവിന് എട്ട് വിക്കറ്റ് ജയം
19 April 2024 6:21 PM GMTഐഎസ്എല്ലില് ഇന്ന് ആദ്യ പ്ലേ ഓഫ്; ബ്ലാസ്റ്റേഴ്സ് ഒഡീഷയെ നേരിടും;...
19 April 2024 6:28 AM GMTഇത്തിഹാദില് ചെന്ന് സിറ്റിയെ വീഴ്ത്തി റയല് മാഡ്രിഡ് ചാംപ്യന്സ് ലീഗ്...
18 April 2024 6:06 AM GMTബട്ലര് യു ഡിഡ് ഇറ്റ്; നൈറ്റ് റൈഡേഴ്സ് വെല്ലുവിളിയും മറികടന്ന്...
16 April 2024 6:37 PM GMTഐപിഎല്; ഒന്നില് തുടരാന് രാജസ്ഥാന് റോയല്സ്; ഒന്നിലെത്താന് നൈറ്റ്...
16 April 2024 7:47 AM GMT