തിരുവനന്തപുരം ചെറിയതുറ സ്വദേശി സൗദിയില്‍ വാഹനാപകടത്തില്‍ മരിച്ചു

ഹായില്‍: തിരുവനന്തപുരം ചെറിയതുറ സ്വദേശിയും ഹായിലിലെ ഖുബൂസ് കമ്പനി ജീവനക്കാരനുമായ വിനോജ് ഗില്‍ബെര്‍ട്ട് ജോണ്‍(42) വാഹനാപകടത്തില്‍ മരണപ്പെട്ടു.ഹായില്‍ റോദ റോഡില്‍ വെച്ച് വനോജ് ഓടിച്ചിരുന്ന വാഹനം രാത്രിയില്‍ ഒട്ടകവുമായി കൂട്ടിയിടിച്ചായിരുന്നു അപകടം.

ഇന്ത്യന്‍ സോഷ്യല്‍ ഫോറം റിയാദ്, കേരള സ്‌റ്റേറ്റ് വെല്‍ഫെയര്‍ കോര്‍ഡിനേറ്റര്‍ അസീസ് പയ്യന്നൂരിന്റെ നേതൃത്വത്തില്‍ സോഷ്യല്‍ ഫോറം ഹായില്‍ ബ്ലോക്ക് പ്രസിഡന്റ് അബ്ദുല്‍ റൗഫ് ഇരിട്ടി, ഹായിലിലെ സാമൂഹ്യ പ്രവര്‍ത്തകനായ ചാന്‍സ് റഹ്മാന്‍ എന്നിവര്‍ മൃതദേഹം നാട്ടിലേക്ക് അയക്കാനുള്ള നടപടി ക്രമങ്ങളുമായി മുന്നോട്ട് പോകുന്നു. ഭാര്യ ഫെബി വിനോജ്, മകള്‍ സോജ് മേരി വിനോജ് (7).