പ്രവാസിയോട് കൈക്കൂലി; കോട്ടയത്ത് അസിസ്റ്റന്റ് എന്‍ജിനീയര്‍ പിടിയില്‍

കോട്ടയം: പ്രവാസി മലയാളിയോട് 20,000 രൂപയും, ഒരു കുപ്പി സ്‌കോച്ചും കൈക്കൂലി വാങ്ങിയ മാഞ്ഞൂര്‍ പഞ്ചായത്ത് അസി. എന്‍ജിനീയര്‍ പിടിയിലായി. അസി. എന്‍ജിനീയര്‍ ഇ ടി അജിത്കുമാറിനെയാണ് വിജിലന്‍സ് സംഘം തന്ത്രപൂര്‍വം പിടികൂടിയത്. പ്രവാസി മലയാളിയുടെ ഒരു പ്രോജക്റ്റിനു സര്‍ട്ടിഫിക്കറ്റ് നല്‍കുന്നതിനാണ് 20,000 രൂപയും, കുപ്പിയും ഇയാള്‍ ആവശ്യപ്പെട്ടത്. ഇയാളെ ഇന്നുതന്നെ കോടതിയില്‍ ഹാജരാക്കുമെന്ന് വിജിലന്‍സ് അറിയിച്ചു.