മമതാ ബാനര്ജിക്കെതിരേ ആക്രമണം; മെഡിക്കല് റിപോര്ട്ട് പരസ്യപ്പെടുത്തണമെന്നാവശ്യപ്പെട്ട് ബിജെപി നേതാക്കള് തിരഞ്ഞെടുപ്പ് കമ്മീഷനെ കണ്ടു
കൊല്ക്കത്ത: മുഖ്യമന്ത്രി മമതാ ബാനര്ജിയുടെ മെഡിക്കല് റിപോര്ട്ട് പരസ്യപ്പെടുത്തണമെന്നാവശ്യപ്പെട്ട് പശ്ചിമ ബംഗാള് ബിജെപി പ്രതിനിധി സംഘം കൊല്ക്കത്തയില് സംസ്ഥാനത്തെ മുഖ്യ തിരഞ്ഞെടുപ്പ് ഓഫിസറെ കണ്ടു.
''മമതാ ബാനര്ജി ആദ്യം ഇതിനെ ആക്രമണമെന്നാണ് വിശേഷിപ്പിച്ചത്. അപകടമുണ്ടായിനു ശേഷം മമതാ ബാനര്ജി ഒരു തിരഞ്ഞെടുപ്പ് റാലിയില് പങ്കെടുത്തു. അവരുടെ മെഡിക്കല് രേഖകള് പരസ്യപ്പെടുത്തണം. ആരോഗ്യവിദഗ്ധരും ഡോക്ടര്മാരും സ്വാധീനിക്കപ്പെടാന് സാധ്യതയുണ്ടെന്ന് സംശയിക്കുന്നു''- ബിജെപി നേതാവ് അര്ജുന് സിങ് തിരഞ്ഞെടുപ്പ് മേധാവിയോട് പറഞ്ഞു. ഇതുസംബന്ധിച്ച പരാതിയും കമ്മീഷന് കൈമാറിയിട്ടുണ്ട്.
ആക്രമണത്തെ മമത രാഷ്ട്രീയമായി ഉപയോഗിക്കുകയാണെന്നും പ്രതിനിധി സംഘം കമ്മീന് നല്കിയ പരാതിയില് പറയുന്നു.
നന്ദിഗ്രാമില് മാര്ച്ച് 10ന് തിരഞ്ഞെടുപ്പ് പ്രചാരണത്തിനിടയിലാണ് മമതയ്ക്ക് ആക്രമണത്തില് പരിക്കേറ്റത്. ഇസഡ് പ്ലസ് പ്രോട്ടോകോള് പ്രകാരം സുരക്ഷ നല്കുന്നതില് വീഴ്ചവരുത്തിയതില് ഉദ്യോഗസ്ഥനെതിരേ ഒരാഴ്ചയ്ക്കുള്ളില് കൂടുതല് നടപടികളുണ്ടാകുമെന്ന് കമ്മീഷന് അറിയിച്ചു. പുര്ബി മേദിനിപൂരിലെ എസ്പി പ്രവീണ് പ്രകാശിനെയും സസ്പെന്ഡ് ചെയ്തിട്ടുണ്ട്. നന്ദിഗ്രാം സംഭവത്തിന്റെ പേരില് ജില്ലാ മജിസ്ട്രേറ്റിനെയും നീക്കം ചെയ്തിട്ടുണ്ട്. പകരം ഐഎഎസ് ഉദ്യോഗസ്ഥനായ സ്മിത പാണ്ഡെയെ നിയമിക്കാന് കമ്മീഷന് ഉത്തരവിട്ടു. നന്ദിഗ്രാം കലട്കറെ തിരഞ്ഞെടുപ്പുമായി ബന്ധപ്പെടാത്ത തസ്തികയിലേക്ക് മാറ്റാന് കമ്മീഷന് ചീഫ് സെക്രട്ടറിക്ക് നിര്ദേശം നല്കി. മുന് ഡിജിപി അനില്കുമാര് ശര്മയെ പ്രത്യേക നിരീക്ഷകനായി കമ്മീഷന് നിയോഗിച്ചു. മമതയ്ക്ക് ആക്രമണത്തെ തുടര്ന്ന് കാലിന് പരിക്കേറ്റിരുന്നു. രണ്ട് ദിവസത്തെ ആശുപത്രി വാസത്തിനു ശേഷം മുഖ്യമന്ത്രി കഴിഞ്ഞ ദിവസം മുതല് തിരഞ്ഞെടുപ്പ് പ്രചാരണത്തില് സജീവമായി. ആക്രമണത്തില് പ്രതിഷേധിച്ച് വീല്ചെയറിലാണ് മമത പ്രചാരണം നടത്തുന്നത്.
294 അംഗ ബംഗാള് നിയമസഭയിലേക്ക് മാര്ച്ച് 27 മുതലാണ് എട്ട് ഘട്ടങ്ങളായി തിരഞ്ഞെടുപ്പ് നടക്കുന്നത്. മെയ് 2ന് ഫലംപ്രഖ്യാപിക്കും.
RELATED STORIES
അമേരിക്കയിൽ ഇലക്ട്രിക് കാർ മരത്തിലിടിച്ച് കത്തി മലയാളി കുടുംബത്തിലെ...
26 April 2024 7:59 PM GMTബ്ലാസ്റ്റേഴ്സില് ഇവാന് വുകോമനോവിച്ച് യുഗം അവസാനിച്ചു
26 April 2024 2:53 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTസംസ്ഥാനത്ത് പലയിടത്തും വോട്ടിങ് മന്ദഗതിയിലെന്ന് ആക്ഷേപം; പോളിങ്...
26 April 2024 12:36 PM GMT