കുഞ്ഞിനെ ദത്ത് നല്‍കിയ സംഭവം: പാര്‍ട്ടിക്ക് ശരിയായ നിലപാട് എടുക്കാന്‍ കഴിഞ്ഞോ എന്ന് പരിശോധിക്കണമെന്ന് മുഖ്യമന്ത്രി
നഗരമേഖലയിലും ചിറയിന്‍കീഴ് താലൂക്കിലും ബിജെപി മുന്നേറുന്നുണ്ട്. ഇക്കാര്യത്തില്‍ ജാഗ്രത വേണം.
14 Jan 2022 10:40 AM GMT
തിരുവനന്തപുരം: അമ്മയുടെ അനുമതിയില്ലാതെ കുഞ്ഞിനെ ദത്ത് നല്‍കിയ സംഭവത്തില്‍ പാര്‍ട്ടിക്ക് ശരിയായ നിലപാട് എടുക്കാന്‍ കഴിഞ്ഞോ എന്ന് പരിശോധിക്കണമെന്ന് മുഖ്യമന്ത്രി പിണറായി വിജയന്‍. പാറശ്ശാലയില്‍ നടക്കുന്ന സിപിഎം തിരുവനന്തപുരം ജില്ലാ സമ്മേളന പ്രതിനിധികളെ അഭിസംബോധന ചെയ്യുകയായിരുന്നു അദ്ദേഹം. പിഎസ്‌സി കോപ്പിയടി വിവാദം പാര്‍ട്ടിക്ക് തിരിച്ചടിയായി. കോര്‍പറേഷന്‍ നികുതി വെട്ടിപ്പു കേസും പാര്‍ട്ടിക്ക് നാണക്കേടുണ്ടാക്കി.
നഗരമേഖലയിലും ചിറയിന്‍കീഴ് താലൂക്കിലും ബിജെപി മുന്നേറുന്നുണ്ട്. ഇക്കാര്യത്തില്‍ ജാഗ്രത വേണം. വിഭാഗീയത ഇല്ലാതായെങ്കിലും ചിലര്‍ തുരുത്തുകള്‍ ഉണ്ടാക്കാന്‍ ശ്രമിക്കുന്നെന്നും മുഖ്യമന്ത്രി അഭിപ്രായപ്പെട്ടു.
ഫേസ്ബുക്കില്‍ ആളെ കൂട്ടലല്ല സംഘടനാ പ്രവര്‍ത്തനം. ഫേസ്ബുക്ക് വ്യക്തി ആരാധനയ്ക്ക് ഉപയോഗിക്കരുതെന്നും അദ്ദേഹം പറഞ്ഞു.
Next Story
