ഒമ്പതുകാരിയെ പീഡിപ്പിക്കാന് ശ്രമിച്ച ഇതരസംസ്ഥാനക്കാരന് തടവും പിഴയും
തിരുവനന്തപുരം: ബീമാപള്ളി ഉറൂസിനെത്തിയ ഒമ്പതുകാരിയെ പീഡിപ്പിക്കാന് ശ്രമിച്ച കേസില് അസം സ്വദേശിയും അംഗപരിമിതനുമായ സദ്ദാം ഹുസയ്നെ കോടതി മൂന്നുവര്ഷം കഠിന തടവിനും 15,000 രൂപ പിഴക്കും ശിക്ഷിച്ചു. പോക്സോ കോടതി ജഡ്ജി എ പി ഷിബുവാണ് ശിക്ഷിച്ചത്. 2022ലെ ഉറൂസിനെത്തിയ പെണ്കുട്ടിയുടെ കുടുംബം ഉറൂസ് കണ്ട് രാത്രി പള്ളി പരിസരത്ത് കിടന്നുറങ്ങുമ്പോഴായിരുന്നു പ്രതിയുടെ ആക്രമണം. പെണ്കുട്ടിയുടെ വസ്ത്രം മാറ്റാന് ശ്രമിക്കുന്നത് കണ്ട് കുട്ടിയുടെ മാതാവ് ബഹളം വച്ചതോടെ ഓടിയ പ്രതിയെ നാട്ടുകാര് പിടികൂടി പോലിസില് ഏല്പ്പിക്കുകയായിരുന്നു. പ്രതി മോഷണ ശ്രമമാണ് നടത്തിയതെന്നും കുട്ടിയെ പീഡിപ്പിക്കാന് ശ്രമിച്ചിട്ടില്ലെന്നുമുള്ള പ്രതിഭാഗം വാദം കോടതി തള്ളി. അംഗപരിമിതനായ പ്രതിക്ക് കേരളത്തില് ആരും സഹായത്തിനില്ലെന്നും പ്രതിഭാഗം വാദിച്ചു. അംഗപരമിതത്വം പോക്സോ കേസ് ചെയ്യാനുള്ള ഇളവായി കണക്കാക്കാനാകില്ലെന്ന പ്രോസിക്യൂഷന് വാദം കോടതി അംഗീകരിച്ചു. പ്രോസിക്യൂഷനു വേണ്ടി സ്പെഷ്യല് പബ്ലിക് പ്രോസിക്യൂട്ടര് കാട്ടായിക്കോണം ജെ കെ അജിത് പ്രസാദ് ഹാജരായി.
RELATED STORIES
എസ്എന്സി ലാവ്ലിന് കേസ് അന്തിമവാദത്തിനായി ബുധനാഴ്ചത്തേക്ക് ലിസ്റ്റ്...
5 May 2024 1:23 PM GMTമുസ്ലിംകൾക്കെതിരെ വീണ്ടും വിദ്വേഷ വീഡിയോയുമായി ബിജെപി
5 May 2024 1:16 PM GMTജമ്മു കശ്മീരിൽ അതീവ ജാഗ്രത; പൂഞ്ചില് കൂടുതല് സൈനികരെ വിന്യസിച്ചു
5 May 2024 12:49 PM GMTരാജസ്ഥാനിൽ കാറപകടം; കുടുംബത്തിലെ ആറ് പേർക്ക് ദാരുണാന്ത്യം, രണ്ട്...
5 May 2024 12:43 PM GMTമധ്യപ്രദേശില് മണല് മാഫിയ പോലിസുകാരനെ ട്രാക്ടര് കയറ്റിക്കൊന്നു
5 May 2024 12:41 PM GMTകൊല്ക്കത്തയില് മോഹന് ബഗാന് വീണു; ഐഎസ്എല് കിരീടം മുംബൈ...
4 May 2024 4:46 PM GMT