അമൂല്‍ എംഡിക്ക് കാറപകടത്തില്‍ പരിക്ക്

ആനന്ദ്: ഇന്ത്യയിലെ ഏറ്റവും വലിയ ക്ഷീരോല്‍പ്പന്ന സഹകരണ സംഘമായ അമൂലിന്റെ എംഡി അര്‍ എസ് സോധിക്ക് കാറപകടത്തില്‍ പരിക്ക്. ആനന്ദ് ടൗണില്‍ ബുധനാഴ്ച രാത്രിയാണ് അപകടമുണ്ടായത്. ചെറിയ പരിക്കുകളോടെ ആശുപത്രിയില്‍ പ്രവേശിപ്പിച്ചു.

യാത്ര ചെയ്തുകൊണ്ടിരിക്കുന്നതിനിടയില്‍ ഡിവൈഡറില്‍ തട്ടി മറിയുകയായിരുന്നു. രാത്രി 9 മണിയോടെയായിരുന്നു സംഭവമെന്ന് ഡിഎസ്പി ബി ഡി ജഡേജ പറഞ്ഞു.

'എന്താണ് കാരണമെന്നറിയില്ല, ഡ്രൈവര്‍ക്ക് പെട്ടെന്ന് നിയന്ത്രമം നഷ്ടപ്പെടുകയായിരുന്നു. സോധിയെയും ഡ്രൈവറെയും ആശുപത്രിയില്‍ പ്രവേശിപ്പിച്ചു'- പോലിസ് അറിയിച്ചു.