ഇറാനില്‍ കുടുങ്ങിക്കിടക്കുന്ന ഇന്ത്യന്‍ പൗരന്മാരെ നാട്ടിലെത്തിക്കാന്‍ എല്ലാ സഹായവും നല്‍കുന്നുണ്ട്: വിദേശകാര്യ മന്ത്രാലയം

ന്യൂഡല്‍ഹി: ഇറാനില്‍ കുടുങ്ങിക്കിടക്കുന്ന ഇന്ത്യന്‍ പൗരന്മാരെ നാട്ടിലെത്തിക്കാന്‍ ഇന്ത്യന്‍ സര്‍ക്കാര്‍ സഹായിക്കുന്നുണ്ടെന്ന് വിദേശകാര്യ മന്ത്രാലയ വക്താവ് രണ്‍ധീര്‍ ജയ്സ്വാള്‍ പറഞ്ഞു. അസര്‍ബൈജാന്‍, അര്‍മേനിയ വഴി ഇന്ത്യയിലേക്ക് മടങ്ങാന്‍ ആഗ്രഹിക്കുന്നവര്‍ക്ക് വിസയും കര അതിര്‍ത്തി കടന്നുള്ള സഹായവും നല്‍കുന്നുണ്ടെന്ന് അദ്ദേഹം പറഞ്ഞു.

ഇറാനില്‍ വിദ്യാര്‍ഥികള്‍, നാവികര്‍, ബിസിനസുകാര്‍, പ്രൊഫഷണലുകള്‍, ചില തീര്‍ത്ഥാടകര്‍ എന്നിവരുള്‍പ്പെടെ ഏകദേശം 9,000 ഇന്ത്യന്‍ പൗരന്മാര്‍ ഉണ്ടെന്നും ഇപ്പോഴും ഉണ്ടെന്നും അദ്ദേഹം പറഞ്ഞു.

നിരവധി ഇന്ത്യന്‍ പൗരന്മാര്‍, പ്രത്യേകിച്ച് വിദ്യാര്‍ഥികള്‍, രാജ്യം വിട്ട് ഇന്ത്യയിലേക്ക് മടങ്ങിയിട്ടുണ്ടെന്ന് ജയ്സ്വാള്‍ പറഞ്ഞു. മുന്‍കരുതല്‍ നടപടിയായി തെഹ്റാനില്‍ താമസിക്കുന്ന വിദ്യാര്‍ഥികളും തീര്‍ത്ഥാടകരും ഉള്‍പ്പെടെ നിരവധി ഇന്ത്യക്കാരെ രാജ്യത്തെ മറ്റ് സുരക്ഷിത നഗരങ്ങളിലേക്ക് മാറ്റിപ്പാര്‍പ്പിച്ചിട്ടുണ്ടെന്നും അദ്ദേഹം പറഞ്ഞു.

ഇന്ത്യന്‍ പൗരന്മാര്‍ ഇന്ത്യന്‍ എംബസി നല്‍കുന്ന ഉപദേശം പാലിക്കണമെന്ന് രണ്‍ധീര്‍ ജയ്സ്വാള്‍ അറിയിച്ചു.