ആഗോള അയ്യപ്പ സംഗമം; സര്‍ക്കാരിന്റെ പങ്ക് എന്തെന്ന് ഹൈക്കോടതി

കൊച്ചി: ആഗോള അയ്യപ്പ സംഗമത്തില്‍ സര്‍ക്കാരിന്റെ പങ്ക് എന്തെന്ന ചോദ്യവുമായി ഹൈക്കോടതി. പരിപാടി നടത്തിപ്പില്‍ ദോവസ്വം ബോര്‍ഡിനെ സഹായിരക്കുക മാത്രമാണ് ചെയ്യുന്നതെന്നായിരുന്നു സര്‍ക്കാരിന്റെ മറുപടി. നിലവില്‍ ഹരജിയില്‍ വാദം പുരോഗമിക്കുകയാണ് . കുംഭമേള മാതൃകയില്‍ ആളുകളെ പങ്കെടുപ്പിക്കാനാണ് ഉദ്ദേശമെന്നും സര്‍ക്കാര്‍ കോടതിയില്‍ പറഞ്ഞു. വിവിധ സംസ്ഥാനങ്ങളിലെ മന്ത്രിമാരെ ക്ഷണിച്ചിട്ടുണ്ടെന്നും സര്‍ക്കാര്‍ വ്യക്തമാക്കി.

സര്‍ക്കാരിനു വേണ്ടി അഡ്വക്കറ്റ് ജനറലും ദോവസ്വത്തിനു വേണ്ടി തിരുവിതാംകൂര്‍ ദേവസ്വം സ്റ്റാന്‍ഡിങ് കൗണ്‍സിലും ഹാജരായി. അയ്യപ്പനുമായി ബന്ധമുള്ള ഒന്നല്ല അയ്യപ്പസംഗമം എന്നും അയ്യപ്പന്റെ പേരില്‍ പണം പിരിക്കുകയാണെന്നും ദേവസ്വം സ്റ്റാന്‍ഡിങ് കൗണ്‍സില്‍ പറഞ്ഞു. അയ്യപ്പന്റെ പേര് ദുരുപയോഗം ചെയ്യുന്നു എന്ന വിഷയമാണ് ഹരജിക്കാര്‍ പ്രധാനമായും ഉയര്‍ത്തുന്നത്. ധനലക്ഷി ബാങ്കില്‍ ആരംഭിച്ച അക്കൗണ്ടിനെയും ഹരജിക്കാര്‍ ചോദ്യം ചെയ്തു. ഭരണ പ്രതിപക്ഷ നേതാക്കള്‍ ഇതുമായി ബന്ധപ്പെട്ട വാദപ്രതിവാദങ്ങള്‍ ഉന്നയിച്ചുകൊണ്ടിരിക്കുന്നു എന്നും അവര്‍ ചൂണ്ടിക്കാട്ടി. എന്നാല്‍ ദേവസ്വം ബോര്‍ഡിനെ സഹായിക്കലാണ് പ്രധാനമെന്നാണ് സര്‍ക്കാര്‍ കോടതിയില്‍ വിശദീകരിക്കുന്നത്.