വിനോദ യാത്രക്കിടെ പാമ്പു കടിയേറ്റു ചികില്‍സയിലായിരുന്ന യുവാവ് മരിച്ചു

കോട്ടയം: വിനോദ യാത്രക്കിടെ പാമ്പു കടിയേറ്റു ചികില്‍സയിലായിരുന്ന യുവാവ് മരിച്ചു. ചങ്ങനാശേരി തൃക്കൊടിത്താനം കൊടിനാട്ടുകുന്നു കണ്ണംകുളം സാബു സേവ്യറിന്റേയും മേഴ്‌സിയുടേയും മകന്‍ ടോണി സാബു (25) ആണ് മരിച്ചത്.

തേനിയില്‍ മുന്തിരിത്തോട്ടത്തില്‍ വ്യാഴാഴ്ചയാണ് ടോണിക്ക് പാമ്പുകടിയേറ്റത്. ആശുപത്രിയില്‍ എത്തിച്ചെങ്കിലും കഴിഞ്ഞ ദിവസം മരിക്കുകയായിരുന്നു. സുഹൃത്തുക്കള്‍ക്കൊപ്പമാണ് ടോണി തേനിയില്‍ എത്തിയത്.