തിരൂര്‍ വെട്ടം സ്വദേശി ഖത്തറില്‍ കൊവിഡ് ബാധിച്ച് മരിച്ചു

ദോഹ: മലപ്പുറം തിരൂര്‍ വെട്ടം സ്വദേശി ഇല്ലത്തെപ്പടി വലിയ പീടിയേക്കല്‍ നാസര്‍(51) ദോഹയില്‍ കൊവിഡ് ബാധിച്ച് മരിച്ചു. ഒരു

മാസത്തിലേറെയായി ചികിത്സയിലായിരുന്നു. ഖര്‍ത്തിയാത്തില്‍ സ്വദേശിയുടെ വീട്ടില്‍ ഡ്രൈവറായി ജോലി

ചെയ്തു വരികയായിരുന്നു.

പരേതരായ മമ്മിക്കുട്ടി ഹാജി- മറിയക്കുട്ടി ദമ്പതികളുടെ മകനാണ്. കെ.എം.സി.സി തിരൂര്‍ മണ്ഡലം പ്രവര്‍ത്തകനുമായിരുന്നു. രണ്ടു വര്‍ഷം മുമ്പാണ് നാട്ടില്‍ പോയി തിരിച്ചെത്തിയത്. നാട്ടിലേക്ക് പോകാനുള്ള ശ്രമങ്ങള്‍ നടക്കുന്നതിനിടെ രോഗബാധിതനാവുകയായിരുന്നു.

ഭാര്യ: റംല. മക്കള്‍: നസ്മ മറിയം, നഫ്‌ല മറിയം. മരുമകന്‍: സൈനുല്‍ ആബിദ്. ഏഴ് സഹോദരിമാരും രണ്ടു സാഹോദരന്മാരുമുണ്ട്.

ഇന്ന് മഗ്രിബ് നംസ്‌കാരത്തോടനുബന്ധിച്ച് അബൂഹമൂര്‍ ഖബര്‍സ്ഥാനില്‍ കൊവിഡ് പ്രോട്ടോകോള്‍ പ്രകാരം ഖബറടക്കും.