പ്രായപൂര്‍ത്തിയാകാത്ത പെണ്‍കുട്ടിയെ കൂട്ടബലാല്‍സംഗം ചെയ്തു; ബന്ധുവടക്കം അഞ്ചുപേര്‍ കസ്റ്റഡിയില്‍

ഭുവനേശ്വര്‍: പ്രായപൂര്‍ത്തിയാകാത്ത പെണ്‍കുട്ടിയെ കൂട്ടബലാല്‍സംഗം ചെയ്തതായി പരാതി. പത്താംക്ലാസില്‍ പഠിക്കുന്ന പെണ്‍കുട്ടിയാണ് ബലാല്‍സംഗത്തിന് ഇരയായത്. ഒഡീഷയിലെ കേന്ദ്രപാരാ ജില്ലയിലാണ് സംഭവം. സംഭവത്തില്‍ കുട്ടിയുടെ ബന്ധുവടക്കം അഞ്ചു പേരെ പോലിസ് അറസ്റ്റ് ചെയ്തു.

രക്ഷാബന്ധന്‍ ദിനത്തില്‍ വീട്ടിലെത്തിയ ബന്ധുവായ യുവാവ് കുട്ടിയെ അമ്പലത്തില്‍ പോകാമെന്ന് പറഞ്ഞ് കൂട്ടിക്കൊണ്ടു പോവുകയായിരുന്നു. എന്നാല്‍ കുട്ടിയെ ഇയാള്‍ അമ്പലത്തിലേക്കു കൊണ്ടു പോകാതെ ആളൊഴിഞ്ഞ പ്രദേശത്തേക്കു കൊണ്ടു പോവുകയും കൂടെയുള്ള മറ്റു നാലുപേരും ചേര്‍ന്ന് കുട്ടിയെ ബലാല്‍സംഗം ചെയ്യുകയുമായിരുന്നു.

സംഭവത്തില്‍ കുട്ടിയുടെ ബന്ധുമാണ് പ്രധാന പ്രതിയെന്ന് പോലിസ് പറഞ്ഞു. കസ്റ്റഡിയിലെടുത്തവരെ ചോദ്യം ചെയ്യുകയാണെന്നും അന്വേഷണം പുരോഗമിക്കുകയാണെന്നും പോലിസ് പറഞ്ഞു.