ഇന്റോ-ടിബറ്റന്‍ ബോര്‍ഡര്‍ പോലിസിലെ 4 പേര്‍ക്കുകൂടി കൊവിഡ് 19 സ്ഥിരീകരിച്ചു

ന്യൂഡല്‍ഹി: കഴിഞ്ഞ 24 മണിക്കൂറിനുള്ളില്‍ ഇന്റോ-ടിബറ്റന്‍ ബോര്‍ഡര്‍ പോലിസിലെ 4 പേര്‍ക്കുകൂടി കൊവിഡ് 19 സ്ഥിരീകരിച്ചു. ഐടിബിപിയിലെ മുതിര്‍ന്ന ഉദ്യോഗസ്ഥരെ ഉദ്ധരിച്ച് വാര്‍ത്താ ഏജന്‍സികളാണ് വാര്‍ത്ത പുറത്തുവിട്ടത്. ഇതുവരെ ഐടിബിപിയില്‍ 65 പേര്‍ക്കാണ് കൊവിഡ് ബാധയുള്ളത്. അതില്‍ 18 ഉം ഡല്‍ഹിയിലാണ്. ആരുടെയും ആരോഗ്യസ്ഥിതി ഗുരുതരമല്ല.

രാജ്യത്ത് ഇന്ന് മാത്രം 15,968 പേര്‍ക്കാണ് കൊവിഡ് സ്ഥിരീകരിച്ചിട്ടുള്ളത്. 24 മണിക്കൂറിനുള്ളില്‍ 465 പേര്‍ മരിക്കുകയും ചെയ്തു. ഇതുവരെ രാജ്യത്ത് 4,56,183 പേര്‍ക്കാണ് രോഗം സ്ഥിരീകരിച്ചിട്ടുള്ളത്.

14,476 പേരാണ് ഇതുവരെ രാജ്യത്ത് കൊവിഡ് ബാധിച്ച് മരിച്ചിട്ടുള്ളത്. 1,83,022 പേര്‍ രോഗബാധിതരായി ഇപ്പോഴും ആശുപത്രിയില്‍ കഴിയുന്നു. 2,58,685 പേര്‍ രോഗം ഭേദമായി ആശുപത്രി വിട്ടു.