പതിനഞ്ചുകാരിയെ പീഡിപ്പിച്ച പിതാവ് അറസ്റ്റില്‍

കല്‍പ്പറ്റ: പതിനഞ്ചുകാരിയായ മകളെ നിരന്തരം ലൈംഗികമായി പീഡിപ്പിച്ച പിതാവ് അറസ്റ്റില്‍. കമ്പളക്കാട് പോലിസ് പരിധിയിലെ 46 കാരനാണ് പിടിയിലായത്.രണ്ടു വിവാഹം കഴിച്ച പ്രതി സ്വന്തം മകളെ 2017 മുതല്‍ പല ഘട്ടങ്ങളിലായി വീട്ടില്‍ വച്ച് ലൈംഗികമായി പീഡിപ്പിച്ചതായാണ് പരാതി.

പെണ്‍ കുട്ടി അധ്യാപികയോട് പീഡന വിവരം തുറന്ന് പറഞ്ഞതിന്റെ അടിസ്ഥാനത്തില്‍ സ്‌കൂള്‍ അധികൃതര്‍ ചൈല്‍ഡ് ലൈനില്‍ അറിയിച്ചു. ചൈല്‍ഡ് ലൈന്‍ പരാതി കമ്പളക്കാട് പോലീസിന് കൈമാറുകയുമായിരുന്നു. കുട്ടിയുടെ വിശദമായ മൊഴിയുടെ അടിസ്ഥാനത്തിലാണ് കമ്പളക്കാട് എസ്‌ഐ നിഷിത്തിന്റെ നേതൃത്വത്തില്‍ പ്രതിയെ അറസ്റ്റ് ചെയ്തത്.