റമീസ് മുഹമ്മദിന് സ്വീകരണം നല്‍കി

ഷാര്‍ജ: ഷാര്‍ജ ബുക്ക് ഫെയറില്‍ ബെസ്റ്റ് സെല്ലര്‍ ആയ മലയാള ചരിത്ര ഗ്രന്ഥം 'സുല്‍ത്താന്‍ വാരിയം കുന്നന്‍' രചിച്ച റമീസ് മുഹമ്മദിന് കേരള പ്രവാസി ഫോറം സ്വീകരണം നല്‍കി. കേരള പ്രവാസി ഫോറം പ്രസിഡന്റ് മുജീബ് റഹ്മാന്‍ അദ്ദേഹത്തിന് പുരസ്‌കാരം നല്‍കി ആദരിച്ചു. പുസ്തകത്തിന്റെ അടുത്ത ലക്കം അടുത്ത മാസം തന്നെ ഇറക്കുമെന്ന് റമീസ് അറിയിച്ചു. മുജീബ് റഹ്മാന്‍ അധ്യക്ഷനായ ചടങ്ങില്‍ നസീര്‍ ചുങ്കത്ത്, ബിലാല്‍ കാസറഗോഡ്, നിയാസ് തിരൂര്‍കാട്, അലി പന്തക്കന്‍, ഫാജിസ് മൂസ തുടങ്ങിയവര്‍ സംസാരിച്ചു.