2019ല് ഇരുചക്ര വാഹന വില്പ്പനയില് 8 മുതല് 10 ശതമാനം വളര്ച്ചയുണ്ടാവും
ആളോഹരി വരുമാനത്തിലെ വര്ധന, കഴിഞ്ഞ മൂന്നു സാമ്പത്തിക വര്ഷങ്ങളിലെ സുസ്ഥിരമായ മണ്സൂണ്, ഉയര്ന്ന താങ്ങുവില, ചില സംസ്ഥാനങ്ങളിലെ കാര്ഷിക വായ്പ എഴുതിത്തള്ളല് തുടങ്ങിയവയാണ് ആഭ്യന്തര ഇരുചക്ര വിപണിയെ മികച്ച വളര്ച്ച കൈവരിക്കാന് സഹായിച്ചത്.
വില വര്ധനവുമായി ബന്ധപ്പെട്ട ആശങ്കകള്ക്കിടയിലും 2018-19 കാലയളവില് രാജ്യത്തെ ഇരുചക്ര വാഹന വില്പ്പന 8 മുതല് 10 ശതമാനം ഉയരുമെന്ന് റേറ്റിംഗ് ഏജന്സിയായ ഇക്ര (ഐസിആര്എ) റേറ്റിങ്സ് ലിമിറ്റഡ്. ആളോഹരി വരുമാനത്തിലെ വര്ധന, കഴിഞ്ഞ മൂന്നു സാമ്പത്തിക വര്ഷങ്ങളിലെ സുസ്ഥിരമായ മണ്സൂണ്, ഉയര്ന്ന താങ്ങുവില, ചില സംസ്ഥാനങ്ങളിലെ കാര്ഷിക വായ്പ എഴുതിത്തള്ളല് തുടങ്ങിയവയാണ് ആഭ്യന്തര ഇരുചക്ര വിപണിയെ മികച്ച വളര്ച്ച കൈവരിക്കാന് സഹായിച്ചത്. ഇന്ത്യന് ഇരുചക്രവാഹന വ്യവസായം സ്ഥിരത കൈവരിച്ചതായും റേറ്റിങ് ഏജന്സി പറഞ്ഞു.ഏപ്രില്-ഒക്റ്റോബര് മാസങ്ങളില് ഈ മേഖലയില് 11.1 ശതമാനം വാര്ഷിക വളര്ച്ചയാണ് റിപോര്ട്ട് ചെയ്തത്.
രാജ്യത്തുടനീളം ഇന്ഷൂറന്സ് പ്രീമിയം വര്ധിപ്പിച്ചതും കേരളത്തിലുണ്ടായ മഹാ പ്രളയവും പശ്ചിമ ബംഗാളില് ലൈസന്സ് ഉള്ളവര്ക്ക് മാത്രം ഇരുചക്ര വാഹന വില്പ്പന പരിമിതപ്പെടുത്തിയതും വിപണിയെ പ്രതികൂലമായി ബാധിച്ചില്ലെന്നും ഏജന്സി വ്യക്തമാക്കി. ഗ്രാമീണ മേഖലയിലെ വരുമാനം മോട്ടോര്സൈക്കിളിനുള്ള ഡിമാന്റ് വര്ധിപ്പിച്ചപ്പോള് ത്വരിത ഗതിയിലുള്ള നഗരവല്ക്കരണമാണ് സ്കൂട്ടര് വിപണിക്ക് കൂട്ടായത്.
അതേസമയം, അസംസ്കൃത വസ്തുക്കളുടെ വിലയും ഇന്ഷൂറന്സ് പ്രീമയത്തിലെ വര്ധനവും മൂലം ഇരുചക്രവാഹനങ്ങളുടെ വില വര്ധിച്ചത് നേരിയ തിരിച്ചടിയായിട്ടുണ്ടെന്നും ഇക്ര പറയുന്നു.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
