വയനാട്ടില്‍ 221 പേര്‍ക്ക് കൂടി കൊവിഡ്; 218 പേര്‍ക്ക് സമ്പര്‍ക്കത്തിലൂടെ രോഗബാധ, ടെസ്റ്റ് പോസിറ്റിവിറ്റി റേറ്റ് 9.35

കല്‍പ്പറ്റ: വയനാട് ജില്ലയില്‍ ഇന്ന് 221 പേര്‍ക്ക് കൂടി കൊവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫിസര്‍ ഡോ. ആര്‍ രേണുക അറിയിച്ചു. 304 പേര്‍ രോഗമുക്തി നേടി. ടെസ്റ്റ് പോസിറ്റിവിറ്റി റേറ്റ് 9.35 ആണ്. 218 പേര്‍ക്ക് സമ്പര്‍ക്കത്തിലൂടെയാണ് രോഗബാധ. 7 ആരോഗ്യ പ്രവര്‍ത്തകര്‍ക്കും രോഗം സ്ഥിരീകരിച്ചു. ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ എണ്ണം 74188 ആയി. 69037 പേര്‍ ഇതുവരെ രോഗമുക്തരായി. നിലവില്‍ 4629 പേരാണ് ജില്ലയില്‍ ചികിത്സയിലുള്ളത്. ഇവരില്‍ 3479 പേര്‍ വീടുകളിലാണ് ഐസൊലേഷനില്‍ കഴിയുന്നത്.

രോഗം സ്ഥിരീകരിച്ചവര്‍

സുല്‍ത്താന്‍ ബത്തേരി 29, മുട്ടില്‍ 18, തിരുനെല്ലി 14, നെന്‍മേനി, പൂതാടി 13 വീതം, അമ്പലവയല്‍, മാനന്തവാടി, തരിയോട് 12 വീതം, കല്‍പ്പറ്റ, വെങ്ങപ്പള്ളി 11 വീതം, വൈത്തിരി 10, മേപ്പാടി, നൂല്‍പ്പുഴ, തവിഞ്ഞാല്‍ 8 വീതം, മുള്ളന്‍ കൊല്ലി 7, മീനങ്ങാടി, തൊണ്ടര്‍നാട് 6 വീതം, പൊഴുതന, വെള്ളമുണ്ട 5 വീതം, എടവക 4, പുല്‍പള്ളി 3, കണിയാമ്പറ്റ, പടിഞ്ഞാറത്തറ, പനമരം ഓരോന്ന് വീതവുമാണ് സമ്പര്‍ക്കത്തിലൂടെ രോഗം സ്ഥിരീകരിച്ചത്. ഇതര സംസ്ഥാനത്തുനിന്നും വന്ന 3 തമിഴ്‌നാട് സ്വദേശികള്‍ക്കും രോഗം സ്ഥിരീകരിച്ചു.

304 പേര്‍ക്ക് ഇന്ന് രോഗമുക്തി

ആശുപത്രിയില്‍ ചികിത്സയിലായിലായിരുന്ന 31 പേരും വീടുകളില്‍ നിരീക്ഷണത്തിലായിരുന്ന 273 പേരുമാണ് രോഗം ഭേദമായി ഡിസ്ചാര്‍ജ് ആയത്.

1037 പേര്‍ പുതുതായി നിരീക്ഷണത്തില്‍

കോവിഡുമായി ബന്ധപ്പെട്ട് ജില്ലയില്‍ ഇന്ന് പുതുതായി നിരീക്ഷണത്തിലായത് 1037 പേരാണ്. 1040 പേര്‍ നിരീക്ഷണകാലം പൂര്‍ത്തിയാക്കി. നിലവില്‍ നിരീക്ഷണത്തിലുള്ളത് 13440 പേര്‍. ഇന്ന് പുതുതായി 58 പേര്‍ ആശുപത്രിയില്‍ നിരീക്ഷണത്തിലായി. ജില്ലയില്‍ നിന്ന് 711 സാമ്പിളുകളാണ് ഇന്ന് പരിശോധനയ്ക്ക് അയച്ചത്. ഇതുവരെ 578845 സാമ്പിളുകളാണ് പരിശോധനയ്ക്ക് അയച്ചത്. ഇതില്‍ 537229 എണ്ണത്തിന്റെ ഫലം ലഭിച്ചു. 463041 പേര്‍ നെഗറ്റീവും 74188 പേര്‍ പോസിറ്റീവുമാണ്.