Top

വയനാട് ജില്ലയില്‍ 510 പേര്‍ക്ക് കൂടി കൊവിഡ്; ടെസ്റ്റ് പോസിറ്റിവിറ്റി 19.12 ശതമാനം

വയനാട് ജില്ലയില്‍ 510 പേര്‍ക്ക് കൂടി കൊവിഡ്; ടെസ്റ്റ് പോസിറ്റിവിറ്റി 19.12 ശതമാനം
X

കല്‍പ്പറ്റ: വയനാട് ജില്ലയില്‍ ഇന്ന് 510 പേര്‍ക്ക് കൂടി കൊവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫിസര്‍ ഡോ.ആര്‍ രേണുക അറിയിച്ചു. 942 പേര്‍ രോഗമുക്തി നേടി. ടെസ്റ്റ് പോസിറ്റിവിറ്റി റേറ്റ് 19.12 ആണ്. 4 ആരോഗ്യപ്രവര്‍ത്തകര്‍ ഉള്‍പ്പെടെ എല്ലാവര്‍ക്കും സമ്പര്‍ക്കത്തിലൂടെയാണ് രോഗബാധ. ഇതോടെ ജില്ലയില്‍ കൊവിഡ് സ്ഥിരീകരിച്ചവരുടെ എണ്ണം 1,12,284 ആയി. 1,04,525 പേര്‍ ഇതുവരെ രോഗമുക്തരായി. നിലവില്‍ 6,809 പേരാണ് ജില്ലയില്‍ ചികില്‍സയിലുള്ളത്. ഇവരില്‍ 5575 പേര്‍ വീടുകളിലാണ് ഐസൊലേഷനില്‍ കഴിയുന്നത്.

രോഗം സ്ഥിരീകരിച്ചവര്‍

പുല്‍പ്പള്ളി 87, ബത്തേരി 47, കല്‍പ്പറ്റ 46, എടവക 45, തവിഞ്ഞാല്‍ 38, പടിഞ്ഞാറത്തറ 34, പനമരം 31, തിരുനെല്ലി 28, മീനങ്ങാടി 20, മാനന്തവാടി 18, നൂല്‍പ്പുഴ 16, കോട്ടത്തറ 14, വെള്ളമുണ്ട 13, തൊണ്ടര്‍നാട് 10, തരിയോട് 9, കണിയാമ്പറ്റ, മുട്ടില്‍, വൈത്തിരി 8 വീതം, മേപ്പാടി 7, അമ്പലവയല്‍, മുള്ളന്‍കൊല്ലി, പൊഴുതന 5 വീതം, നെന്‍മേനി, പൂതാടി 4 വീതം ആളുകള്‍ക്കാണ് രോഗം സ്ഥിരീകരിച്ചത്.

942 പേര്‍ക്ക് രോഗമുക്തി

ആശുപത്രിയില്‍ ചികില്‍സയിലായിരുന്ന 31 പേരും വീടുകളില്‍ നിരീക്ഷണത്തിലായിരുന്ന 911 പേരുമാണ് രോഗം ഭേദമായി ഡിസ്ചാര്‍ജ് ആയത്.

1,133 പേര്‍ പുതുതായി നിരീക്ഷണത്തില്‍

കൊവിഡുമായി ബന്ധപ്പെട്ട് ജില്ലയില്‍ ഇന്ന് പുതുതായി നിരീക്ഷണത്തിലായത് 1,133 പേരാണ്. 2,152 പേര്‍ നിരീക്ഷണകാലം പൂര്‍ത്തിയാക്കി. നിലവില്‍ നിരീക്ഷണത്തിലുള്ളത് 20,685 പേര്‍. ഇന്ന് പുതുതായി 63 പേര്‍ ആശുപത്രിയില്‍ നിരീക്ഷണത്തിലായി.

ജില്ലയില്‍ നിന്ന് 797 സാംപിളുകളാണ് ഇന്ന് പരിശോധനയ്ക്ക് അയച്ചത്. ഇതുവരെ 7,60,908 സാംപിളുകളാണ് പരിശോധനയ്ക്ക് അയച്ചത്. ഇതില്‍ 7,54,967 എണ്ണത്തിന്റെ ഫലം ലഭിച്ചു. 642683 പേര്‍ നെഗറ്റീവും 1,12,284 പേര്‍ പോസിറ്റീവുമാണ്.

Next Story

RELATED STORIES

Share it