യുഡിഎഫ് തകര്‍ച്ചയുടെ വക്കില്‍: പ്രഫ. എ പി അബ്ദുല്‍ വഹാബ്

മാള: യുഡിഎഫ് തകര്‍ച്ചയുടെ വക്കിലെന്ന് ഐഎന്‍എല്‍ സംസ്ഥാന പ്രസിഡന്റ് പ്രഫ. എ പി അബ്ദുള്‍ വഹാബ്. ഐഎന്‍എല്‍ ചാലക്കുടി നിയോജക മണ്ഡലം കമ്മിറ്റി ഓഫിസ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. രാഷ്ട്രീയ അപചയം സംഭവിച്ച യുഡിഎഫ് തകര്‍ച്ചയുടെ വക്കിലാണ്. ജോസ് കെ മാണിയുടെ എല്‍ഡിഎഫി ലേക്കുള്ള വരവ് അതിന്റെ ഉദാഹരണമാണ്. ഇനിയും യുഡിഎഫില്‍ നിന്നും കൊഴിഞ്ഞു പോക്കുകള്‍ ഉണ്ടാവും. ജനങ്ങളുടെ പ്രതീക്ഷ എല്‍ഡിഎഫിലാണെന്നും സംസ്ഥാനത്ത് എല്‍ഡിഎഫിന് തുടര്‍ഭരണം ഉണ്ടാകുമെന്നും അദ്ദേഹം കൂട്ടിച്ചേര്‍ത്തു. ചാലക്കുടി നിയോജകമണ്ഡലം പ്രസിഡന്റ് ടി കെ മുഹമ്മദ് കുട്ടി ചടങ്ങില്‍ അധ്യക്ഷത വഹിച്ചു. ജില്ലാ പ്രസിഡന്റ് മുഹമ്മദ് ചാമക്കാല മുഖ്യാതിഥിയായിരുന്നു. തൃശ്ശൂര്‍ ജില്ലാ ജനറല്‍ സെക്രട്ടറി ബഫീഖ് ബക്കര്‍, സെക്രട്ടറി സാലി സജീര്‍, ശിഹാബ് കാളമുറി, സാബു സുല്‍ത്താന്‍, ജോസ് കുരിശിങ്കല്‍ സംസാരിച്ചു.