വിദ്യാര്‍ഥികള്‍ക്ക് ലാപ്‌ടോപ് വിതരണം ചെയ്തു

മാള: പുത്തന്‍ചിറ ഗ്രാമപ്പഞ്ചായത്തിന്റെ 2019-20 സാമ്പത്തിക വര്‍ഷത്തെ പദ്ധതിയില്‍ വകയിരുത്തിയ 5.75 ലക്ഷം രൂപ ചിലവഴിച്ച് കെല്‍ട്രോണ്‍ വഴി നടപ്പിലാക്കുന്ന പട്ടികജാതി, മല്‍സ്യത്തൊഴിലാളി വിഭാഗത്തിലെ ബിരുദ വിദ്യാര്‍ഥികള്‍ക്ക് ലാപ്‌ടോപ് വിതരണം ചെയ്തു. ഗ്രാമപ്പഞ്ചായത്ത് പ്രസിഡന്റ് വി എ നദീര്‍ വിതരണോദ്ഘാടനം നിര്‍വ്വഹിച്ചു.

ഗ്രാമപഞ്ചായത്ത് വൈസ് പ്രസിഡന്റ് ബീന സുധാകരന്‍ അധ്യക്ഷത വഹിച്ചു. സ്റ്റാന്റിങ് കമ്മിറ്റി ചെയര്‍മാന്മാരായ പി ഐ നിസാര്‍, റോമി ബേബി, വി എന്‍ രാജേഷ്, ഗ്രാമപ്പഞ്ചായത്തംഗങ്ങളായ ഷൈല പ്രകാശന്‍, മഹേഷ് മോഹന്‍, സംഗീത അനീഷ്, കെ വി സുജിത് ലാല്‍, റിഫായ അക്തര്‍, എം കെ കാഞ്ചന, നിര്‍വ്വഹണ ഉദ്യോഗസ്ഥരായ ഗ്രാമപഞ്ചായത്ത് അസിസ്റ്റന്റ് സെക്രട്ടറി ബെന്നി വടക്കന്‍, കൃഷി ഓഫീസര്‍ റിങ്കു സംസാരിച്ചു.