എസ്എടി- ശ്രീചിത്ര റോഡ് വ്യാഴാഴ്ച അടച്ചിടും

തിരുവനന്തപുരം: മെഡിക്കൽ കോളജ് എസ്എടിയ്ക്കു മുന്നിലെ അമ്മയും കുഞ്ഞും പ്രതിമയ്ക്കു മുന്നിൽ നിന്നും ശ്രീചിത്രയിലേയ്ക്ക് പോകുന്ന റോഡ് വ്യാഴാഴ്ച അടച്ചിടും. ക്യാമ്പസിൽ മാസ്റ്റർ പ്ലാൻ പദ്ധതിയുടെ ഭാഗമായുള്ള റോഡ് വികസന പ്രവർത്തനങ്ങൾ നടക്കുന്നതിന്റെ ഭാഗമായാണ് ഇതുവഴിയുള്ള ഗതാഗതം നിരോധിച്ചത്. മെഡിക്കൽ കോളജ് അക്കാഡമിക് ബ്ലോക്ക്, പ്രിൻസിപ്പൽ ഓഫീസ്, ആർസിസി, ശ്രീചിത്ര എന്നിവിടങ്ങളിലേയ്ക്ക് വന്നു പോകുന്നവർ വ്യാഴാഴ്ചത്തേയ്ക്ക് മെഡിക്കൽ കോളേജ് എസ്ബിഐയ്ക്കു മുന്നിലൂടെയുള്ള റോഡിലൂടെ യാത്ര ചെയ്യണമെന്ന് സെക്യൂരിറ്റി ഓഫീസർ അറിയിച്ചു. വലിയ വാഹനങ്ങൾക്ക് നിയന്ത്രണമേർപ്പെടുത്തിയിട്ടുണ്ട്.