ട്രാൻസ്ജെൻഡറിനും സഹോദരനും നേരെ സംഘപരിവാർ ആക്രമണം
ശ്രീകാര്യത്ത് താമസിക്കുന്ന അരുൺ അരുണിമയ്ക്കും സഹോദരൻ ശ്യാം സ്റ്റീഫനുമാണ് ക്രൂരമായി മർദ്ദനമേറ്റത്.
തിരുവനന്തപുരം: ശ്രീകാര്യത്ത് ട്രാൻസ്ജെൻഡറിനും സഹോദരനും നേരെ സംഘപരിവാർ ആക്രമണം. ശ്രീകാര്യം ഇടവക്കോട് ദേവീപുരം താമസിക്കുന്ന അരുൺ അരുണിമയ്ക്കും സഹോദരൻ ശ്യാം സ്റ്റീഫനുമാണ് ക്രൂരമായ മർദ്ദനമേറ്റത്. ഇന്ന് വൈകീട്ട് 6.20ന് അരുണിമയുടെ സഹോദരിയുടെ വിവാഹവുമായി ബന്ധപ്പെട്ട പെണ്ണുകാണൽ നടക്കുന്ന സമയത്ത് ചടങ്ങിനെത്തിയ മറ്റൊരു ട്രാൻസ്ജെൻഡറി നെ ആക്ഷേപിച്ചും തെറിപറഞ്ഞും നാല് സംഘപരിവാർ പ്രവർത്തകർ അരുണിമയുടെ വീട്ടിൽ കയറി ആക്രമിച്ചുവെന്നാണ് പരാതി.
ശ്യാമിന് തലക്കും മുഖത്തും സാരമായി പരിക്കേറ്റു. ഇടിവള കൊണ്ടും കടാരയുടെ പിൻഭാഗം വച്ചും മർദിക്കുകയും തുടർന്ന് തലപിടിച്ച് മതിലിൽ രക്തം വരുന്നവരെ ഇടിക്കുകയും ചെയ്തതായി അരുണിമ പറയുന്നു. അരുണിമയുടെ മുഖത്തും വയറിനും മർദ്ദനമേറ്റു. ആയുധങ്ങളുമായാണ് അക്രമികൾ എത്തിയത്.
ട്രാൻസ്ജെൻഡർ ആയതിനാലാണ് തനിക്കും സഹോദരനും മർദ്ദനം ഏൽക്കേണ്ടി വന്നതെന്നും അരുണിമ പറയുന്നു. പരാതിയുടെ അടിസ്ഥാനത്തിൽ ശ്രീകാര്യം പോലിസ് സ്ഥലത്തെത്തി മൊഴിയെടുത്തു. അരുണിമയും ശ്യാമും മെഡിക്കൽ കോളജ് ആശുപത്രിയിൽ ചികിൽസയിലാണ്. കേസ് കൊടുത്താൽ കൊന്നുകളയുമെന്ന് ഭീഷണിയുണ്ടെന്നും ഇവർ പറയുന്നു.
RELATED STORIES
ഐഎസ്എല് കിരീട മോഹം പൊലിഞ്ഞു; പ്ലേ ഓഫില് ഒഡീഷയോട് തോറ്റ്...
19 April 2024 6:38 PM GMTരാഹുല് പറഞ്ഞത് മുഖ്യമന്ത്രിയെ അറസ്റ്റ് ചെയ്യണമെന്ന...
19 April 2024 3:00 PM GMTഒന്നാംഘട്ടം 60.03 ശതമാനം പോളിങ്; ത്രിപുരയും ബംഗാളും മുന്നില്
19 April 2024 2:44 PM GMTയുദ്ധഭീതി; ഇസ്രായേലിലേക്കുള്ള വിമാന സര്വീസുകള് നിര്ത്തിവച്ച് എയര്...
19 April 2024 2:14 PM GMTമഹാരാഷ്ട്രയിൽ സ്വതന്ത്രനായി മത്സരിക്കാൻ പത്രിക നൽകി 'യമരാജൻ'
19 April 2024 10:50 AM GMTജോലിക്കിടയില് കാണാതായ ആലുവ ഹെഡ് പോസ്റ്റ് ഓഫിസ് ജീവനക്കാരനെ...
19 April 2024 10:49 AM GMT