വിദ്യാര്‍ഥികള്‍ക്കായി ബാസ്‌ക്കറ്റ് ബോള്‍ സ്‌കില്‍ ചലഞ്ച് 21ന്

തിരുവനന്തപുരം: നാഷണല്‍ ബാസ്‌ക്കറ്റ് ബോള്‍ അസോസിയേഷന്റെ (എന്‍ബിഎ) നേതൃത്വത്തില്‍ കേരളത്തിലെ സ്‌കൂള്‍ വിദ്യാര്‍ഥികള്‍ക്കിടയില്‍ നിന്നും മികച്ച ബാസ്‌ക്കറ്റ് ബോള്‍ താരങ്ങളെ കണ്ടെത്തുന്നതിന് ജനുവരി 21 തിരുവനന്തപുരം കാര്യവട്ടം സ്പോട്സ് ഹബില്‍ സ്‌കില്‍ ചലഞ്ച് സംഘടിപ്പിക്കും. തിരുവനന്തപുരം, കൊല്ലം, പത്തനംതിട്ട ജില്ലകളിലെ സ്‌കൂളുകളിലെ വിദ്യാര്‍ഥികള്‍ക്ക് പങ്കെടുക്കാം.

എന്‍ബിഎയുടെ മുഖ്യപരിശീലകയായ സാറാ ഗെയിലറി(യുഎസ്എ)ന്റെ നേതൃത്വത്തിലാണ് സ്‌കില്‍ ചലഞ്ച് സംഘടിപ്പിക്കുന്നത്. മികച്ച പ്രകടനം കാഴ്ചവയ്ക്കുന്ന വിദ്യാര്‍ഥികളെ സംസ്ഥാന, ദേശീയ തലത്തിലുള്ള മല്‍സരങ്ങളില്‍ പങ്കെടുപ്പിക്കും. എന്‍ബിഎ ഇവരുടെ തുടര്‍വിദ്യാഭ്യാസം ഉള്‍പ്പെടെയുള്ളവ സ്‌പോണ്‍സര്‍ ചെയ്യും. ഫോണ്‍: 9895154152, ൯൫൪൪൮൧൧൫൫൫.