കോങ്ങാടില്‍ ബൈക്കുകള്‍ കൂട്ടിയിടിച്ച് മൂന്ന് പേര്‍ മരിച്ചു

പാലക്കാട്: കോങ്ങാടുണ്ടായ വാഹനാപകടത്തില്‍ മൂന്ന് പേര്‍ മരിച്ചു. എഴക്കാട് സ്വദേശികളായ സിദ്ധാര്‍ത്ഥ്, അനന്തു ,വിഗ്‌നേഷ് എന്നിവരാണ് മരിച്ചത്.

കോങ്ങാട് മുണ്ടൂര്‍ ഒന്‍പതാം മൈലിലാണ് അപകടമുണ്ടായത്. എതിര്‍ദിശയില്‍ വന്ന ബൈക്കുകള്‍ കൂട്ടിയിടിച്ചാണ് അപകടം സംഭവിച്ചത്. ബൈക്കുകള്‍ അമിതവേഗത്തിലായിരുന്നുവെന്നാണ് റിപോര്‍ട്ട്. മൂവരെയും ആശുപത്രിയില്‍ പ്രവേശിപ്പിച്ചിരുന്നുവെങ്കിലും മരിച്ചിരുന്നു. മൃതദേഹങ്ങള്‍ പാലക്കാട് ജില്ലാ ആശുപത്രിയിലേക്ക് മാറ്റിയിട്ടുണ്ട്.