അട്ടപ്പാടി ആദിവാസി ഊരിലെ പോലിസ് അതിക്രമത്തിനെതിരേ പ്രതിഷേധം

പാലക്കാട്: അട്ടപ്പാടി ആദിവാസി ഊരില്‍ നടന്ന പോലിസ് അതിക്രമത്തില്‍ പ്രതിഷേധിച്ച് എസ്‌സി-എസ്ടി കോ-ഓഡിനേഷന്‍ കമ്മിറ്റിയുടെ നേതൃത്വത്തില്‍ ധര്‍ണ നടത്തി. പാലക്കാട് കലക്ടറേറ്റിന് മുന്നില്‍ നടത്തിയ ധര്‍ണ എന്‍സിഎച്ച്ആര്‍ഒ സംസ്ഥാന പ്രസിഡന്റ് വിളയോടി ശിവന്‍കുട്ടി ഉദ്ഘാടനം ചെയ്തു.

എസ്‌സി- എസ്ടി കോഡിനേഷന്‍ കമ്മിറ്റി ജില്ലാ ചെയര്‍മാന്‍ മായാണ്ടി, ജനറല്‍ കണ്‍വീനര്‍ രാജന്‍ പുലിക്കോട്, രാധാകൃഷ്ണന്‍ വിത്തനാശേരി, സാധു സംരക്ഷണ സമിതി ജില്ലാ സെക്രട്ടറി കെ വാസുദേവന്‍, ആദിവാസി സംരക്ഷണ സമിതി ജില്ലാ ഭാരവാഹി മാരിയപ്പന്‍ നീളിപ്പാറ, എന്‍സിഎച്ച്ആര്‍ഒ പാലക്കാട് ജില്ലാ പ്രസിഡന്റ് കാര്‍ത്തികേയന്‍ മംഗലം, പത്മമോഹന്‍, ഗോപാലകൃഷ്ണന്‍ പരുത്തിപുള്ളി എന്നിവര്‍ സംസാരിച്ചു.