വി കെ അബ്ദുര് റഷീദ് മൗലവി കോട്ടക്കല് നിര്യാതനായി
കോട്ടക്കല്: ജമാഅത്തെ ഇസ് ലാമി നേതാവും ശാന്തപുരം ഇസ് ലാമിയ കോളജ് അധ്യാപകനുമായിരുന്ന വി.കെ. അബ്ദുല് റഷീദ് മൗലവി (82) കോട്ടക്കല് നിര്യാതനായി. പരേതനായ വി കെ എം ഇസ്സുദ്ദീന് മൗലവിയുടെ പുത്രനും പറപ്പൂര്, ആട്ടിരി, എടരിക്കോട് എന്നിവിടങ്ങളിലെ ജമാഅത്ത് പ്രവര്ത്തനങ്ങളില് ദീര്ഘകാലം നേതൃപരമായ പങ്കു വഹിക്കുകകയും ചെയ്തയാളുമാണ്. 1963ല് ശാന്തപുരം ഇസ് ലാമിയ കോളജില് നിന്ന് പഠനം പൂര്ത്തിയാക്കി പുറത്തിറങ്ങിയ ആറു പേരടങ്ങുന്ന പ്രഥമ സംഘത്തില് ഒരാളായിരുന്നു. തുടര്ന്ന് ശാന്തപുരം ഇസ് ലാമിയ കോളജില് അധ്യാപകനായി. ശേഷം അന്തമാന് നിക്കോബാര് ദ്വീപുകളിലേക്ക് പ്രസ്ഥാന പ്രവര്ത്തനത്തിനായി നിയോഗിക്കപ്പെട്ടു. തലസ്ഥാനമായ പോര്ട്ട് ബ്ളെയറിനടുത്തുള്ള ഫൊണിക്സ്ബെ മഹല്ല് പള്ളി മദ്റസ എന്നിവയുടെ ചുമതല വഹിച്ചിരുന്നു. സ്റ്റുവര്ട്ട് ഗഞ്ചിലെ മര്ക്കസു ത്തഅ്ലീമില് ഇസ് ലാമിയുടെ പ്രിന്സിപ്പലായു സേവനമനുഷ്ഠിച്ചിട്ടുണ്ട്.
ദോഹയിലെ സൗദി എംബസിയിലും ടെലികമ്മ്യൂണിക്കേഷന് ഡിപ്പാര്ട്ട്മെന്റിലും ജോലി ചെയ്തു. ഖത്തര് ഇന്ത്യന് ഇസ് ലാമിക് അസോസിയേഷന്റെ രൂപീകരണഘട്ടം മുതല് അതിന്റെ പ്രവര്ത്തകനായിരുന്നു. സ്വദേശമായ പടിഞ്ഞാറ്റുമുറിയിലും മഞ്ചേരിയിലും കോട്ടക്കലും വ്യാപാരത്തില് ഏര്പ്പെടുകയും ചെയ്തു. മാതാവ് പരേതയായ റുഖിയ്യ. ഭാര്യ: പരേതയായ കുഞ്ഞിപാത്തുമ്മ. മക്കള്: മുബാറക്, ഹസീന, മുഹമ്മദ് സലീം, മുഹമ്മദ് സലാഹ്, മുഹമ്മദ് ആത്വിഫ്. മരുമക്കള് : ശരീഫ് കൊടിഞ്ഞി(യുഎഇ), ഖൈറുന്നിസ, സമീറ, ഫഹീമ. ഖബറടക്കം ഞായറാഴ്ച രാവിലെ 10നു പറപ്പൂര് ഇസ് ലാമിയ കോളജ് ജുമാ മസ്ജിദ് ഖബര് സ്ഥാനില്.
VK Abdur Rasheed Moulavi Kottakkal passed away
RELATED STORIES
കാസര്കോട് മോക്പോളില് ബിജെപിക്ക് അധിക വോട്ട് കിട്ടിയിട്ടില്ല;...
18 April 2024 10:13 AM GMTലോക്സഭാ തിരഞ്ഞെടുപ്പ്; നാലാംഘട്ട വിജ്ഞാപനം പുറത്തിറക്കി തിരഞ്ഞെടുപ്പ് ...
18 April 2024 10:10 AM GMTഗസ കൂട്ടക്കുരുതിയെ സഹായിക്കുന്നതിനെതിരെ ഗൂഗിള് ഓഫിസുകളിൽ വൻ സമരം;...
18 April 2024 10:05 AM GMTറിക്രൂട്ടിങ് ലൈസന്സ് ഇല്ലാതെ യുവതിയെ വിദേശത്തേക്ക് ജോലിക്കായി അയച്ച...
18 April 2024 9:57 AM GMTകാസര്കോട്ട് മോക്പോളില് ബിജെപിക്ക് അധികവോട്ട്; പരിശോധനയ്ക്ക്...
18 April 2024 9:30 AM GMTമകളുടെ അപകടമരണം: പോപുലര് ഫ്രണ്ട് മുന് ചെയര്മാന് ഒ എം എ സലാമിന്...
18 April 2024 9:05 AM GMT