അങ്ങാടിപ്പുറത്ത് പൂട്ടിയിട്ട വീട്ടില്‍ മോഷണശ്രമം

പെരിന്തല്‍മണ്ണ: അങ്ങാടിപ്പുറത്ത് പൂട്ടിയിട്ട വീട്ടില്‍ മോഷണശ്രമം. അങ്ങാടിപ്പുറം മുതുവറ ക്ഷേത്രത്തിന് സമീപത്തെ പൂട്ടിയിട്ട വീട്ടിലാണ് കള്ളന്‍ കയറി മോഷണശ്രമം നടത്തിയത്. വീടിന്റെ പിന്‍വശത്തെ ഇരുമ്പുകമ്പികള്‍ പൊളിച്ച് അകത്തുകടന്ന് തൊട്ടടുത്തുള്ള അടുക്കളവാതില്‍ പൊളിച്ചാണ് മോഷ്ടാവ് അകത്തുകടന്നിട്ടുള്ളത്. അകത്തെ അലമാറകള്‍ തുറന്ന് സാധനങ്ങള്‍ വലിച്ചുവാരിയിട്ടതല്ലാതെ വിലപിടിച്ച ഒന്നും കിട്ടിയിട്ടില്ല.

കഴിഞ്ഞ വെള്ളിയാഴ്ച വീട്ടുടമ പാണ്ടത്ത് ഉണ്ണികൃഷ്ണനും ഭാര്യയും ചെന്നൈയിലെ മക്കളുടെ വീട്ടിലേക്ക് പോയതായിരുന്നു. രാവിലെ തൊട്ടടുത്തുള്ള ബന്ധു വന്നുനോക്കിയപ്പോഴാണ് വാതില്‍ പൊളിഞ്ഞുകിടക്കുന്നതായി കണ്ടത്. പെരിന്തല്‍മണ്ണ പോലിസ് സ്ഥലം സന്ദര്‍ശിച്ച്. പരാതിയില്‍ കേസെടുത്ത് അന്വേഷണം ആരംഭിച്ചു.