10 കിലോ കഞ്ചാവുമായി യുവാവിനെ പിടികൂടി
നിലമ്പൂര്‍, പൂക്കോട്ടുംപാടം, കാളികാവ്, വണ്ടൂര്‍ ഭാഗങ്ങളില്‍ വിതരണത്തിനായി കാറില്‍ കടത്തുകയായിരുന്ന കഞ്ചാവാണ് പിടിച്ചെടുത്തത്.
കാളികാവ്: കാറില്‍ കടത്തുകയായിരുന്ന 10 കിലോ കഞ്ചാവുമായി യുവാവിനെ കാളികാവ് എക്‌സൈസ് സംഘം പിടികൂടി. എക്‌സൈസ് ഇന്റലിജന്‍സ് വിഭാഗം നല്‍കിയ രഹസ്യവിവരത്തിന്റെ അടിസ്ഥാനത്തില്‍ നടത്തിയ പരിശോധനയില്‍ ചോക്കാട് സെന്റ് തോമസ് പള്ളിക്കടുത്ത് കാര്‍ തടഞ്ഞാണ് പിടികൂടിയത്. അമരമ്പലം സ്വദേശി പുതിയത്ത് വീട്ടില്‍ ഷാനവാസ് ( 29 ) നെയാണ് പോലിസ് അറസ്റ്റു ചെയ്തത്.
നിലമ്പൂര്‍, പൂക്കോട്ടുംപാടം, കാളികാവ്, വണ്ടൂര്‍ ഭാഗങ്ങളില്‍ വിതരണത്തിനായി കാറില്‍ കടത്തുകയായിരുന്ന കഞ്ചാവാണ് പിടിച്ചെടുത്തത്. ഇയാളുടെ കാറില്‍ 15 പാക്കറ്റുകളില്‍ സൂക്ഷിച്ചിരുന്ന കഞ്ചാവാണ് കണ്ടെടുത്തത്. എക്‌സൈസ് ഇന്‍സ്‌പെക്ടര്‍ പിജെ റോബിന്‍ ബാബുവിന്റെ നേതൃത്വത്തില്‍ പ്രിവന്റീവ് ഓഫിസര്‍ എന്‍ ശങ്കരനാരായണന്‍, ഗ്രേഡ് പ്രിവന്റീവ് ഓഫിസര്‍ പി.അശാക്, സിവില്‍ എക്‌സൈസ് ഓഫീസര്‍മാരായ മുഹമ്മദ് അഫ്‌സല്‍, ഇ ജിഷില്‍ നായര്‍, കെ എസ്.അരുണ്‍കുമാര്‍ എന്നിവര്‍ ചേര്‍ന്ന് നടത്തിയ പരിശോധനകള്‍ക്കൊടുവിലാണ് ഷാനവാസ് പിടിയിലായത്.
