പരിസ്ഥിതി ലോല മേഖല;മലപ്പുറം മലയോര മേഖലയില്‍ 16ന് യുഡിഎഫ് ഹര്‍ത്താല്‍

മലപ്പുറം:സംരക്ഷിത വനമേഖലയ്ക്ക് ചുറ്റും ഒരു കിലോമീറ്റര്‍ ദൂര പരിധിയില്‍ പരിസ്ഥിതി ലോല മേഖലയായി പ്രഖ്യാപിച്ച സുപ്രിംകോടതി വിധിക്കെതിരേ ജൂണ്‍ 16ന് മലപ്പുറത്തെ വനാതിര്‍ത്തി, മലയോരമേഖലയില്‍ ഹര്‍ത്താല്‍ പ്രഖ്യാപിച്ച് യുഡിഎഫ്. 11 പഞ്ചായത്തുകളിലും നിലമ്പൂര്‍ മുനിസിപ്പാലിറ്റി പരിധിയിലുമാണ് ഹര്‍ത്താല്‍ പ്രഖ്യാപിച്ചിരിക്കുന്നത്.

ബഫര്‍ സോണ്‍ വിഷയത്തില്‍ കോടതി ഉത്തരവ് മറികടക്കാന്‍ കേന്ദ്ര സര്‍ക്കാര്‍ നിയമനിര്‍മ്മാണം നടത്തണമെന്നാവശ്യപ്പെട്ട് കോഴിക്കോട് എല്‍ഡിഎഫ് പ്രഖ്യാപിച്ച ഹര്‍ത്താല്‍ തുടരുകയാണ്.കടകള്‍ രാവിലെ മുതല്‍ അടഞ്ഞുകിടന്നു. കൂടരഞ്ഞി, കോടഞ്ചേരി പഞ്ചായത്തുകളില്‍ ഹര്‍ത്താല്‍ അനുകൂലികള്‍ പ്രതിഷേധ പ്രകടനം നടത്തി.14 പഞ്ചായത്തുകളില്‍ പൂര്‍ണ്ണമായും മൂന്ന് പഞ്ചായത്തുകളില്‍ ഭാഗികമായുമാണ് ഇടത് മുന്നണി ഹര്‍ത്താല്‍ നടത്തുന്നത്.സുപ്രിംകോടതി വിധിക്കെതിരെ ഇടുക്കിയിലും വയനാട്ടിലും ഹര്‍ത്താല്‍ നടന്നിരുന്നു.