കാറും ലോറിയും കൂട്ടിയിടിച്ച് രണ്ട് പിഞ്ചുകുഞ്ഞുങ്ങളടക്കം ആറുപേര്‍ക്ക് പരിക്ക്

പയ്യോളി: ദേശീയപാതയില്‍ ഇരിങ്ങല്‍ മങ്ങൂല്‍പ്പാറയ്ക്കു സമീപം കാറും ലോറിയും കൂട്ടിയിടിച്ച് കാര്‍ യാത്രക്കാരായ രണ്ട് പിഞ്ചുകുഞ്ഞുങ്ങളടക്കം ആറുപേര്‍ക്ക് പരിക്കേറ്റു. കോഴിക്കോട് എരഞ്ഞിപ്പാലം തയ്യില്‍ വീട്ടില്‍ രാഹുല്‍(32), ഭാര്യ ആരതി(30), മക്കളായ വേദരത്‌ന(2), ഭാനു(അഞ്ചുമാസം), രാഹുലിന്റെ സുഹൃത്തുക്കളായ എരഞ്ഞിപ്പാലം സ്വദേശി ബബീഷ് കൃഷ്ണ(33), ഗാന്ധി റോഡില്‍ സുബിജിത്(34) എന്നിവരെ പരിക്കുകളോടെ കോഴിക്കോട്ടെ സ്വകാര്യ ആശുപത്രിയില്‍ പ്രവേശിപ്പിച്ചു. എന്നാല്‍ ആരുടെയും പരിക്ക് ഗുരുതരമല്ല. കോഴിക്കോട് നിന്നു തലശ്ശേരിയിലേക്ക് പോവുകയായിരുന്നു. വ്യാഴാഴ്ച രാവിലെ 11.30 ഓടെയാണ് സംഭവം. മംഗലാപുരത്ത് നിന്ന് മല്‍സ്യം കയറ്റി വരികയായിരുന്ന കണ്ടെയ്നര്‍ ലോറി കോഴിക്കോട് ഭാഗത്ത് നിന്നെത്തിയ കാറുമായി കൂട്ടിയിടിക്കുകയായിരുന്നു.

Six people, including two children, were injured when a car collided with a lorry