പോപുലര്‍ ഫ്രണ്ട് കാംപയിന്‍: ജനജാഗ്രതാ സംഗമം കോട്ടപ്പറമ്പില്‍

വടകര: പോപുലര്‍ ഫ്രണ്ട് ഓഫ് ഇന്ത്യ നടത്തുന്ന 'ഭയപ്പെടരുത്, അന്തസ്സോടെ ജീവിക്കുക' എന്ന ദേശീയ കാംപയിന്റെ ഭാഗമായി കോഴിക്കോട് നോര്‍ത്ത് ജില്ലാ കമ്മിറ്റി ജനജാഗ്രതാ സംഗമവും സംഘടിപ്പിക്കാന്‍ തീരുമാനിച്ചു. സപ്തംബര്‍ 20നു പേരാമ്പ്ര ഡിവിഷനിലെ ചെറുവണ്ണൂരില്‍ നിന്ന് തുടക്കം കുറിച്ച വാഹന പ്രചരാണം, കുറ്റിയാടി, നാദാപുരം, വില്ല്യാപ്പള്ളി, കൊയിലാണ്ടി, വടകര എന്നീ ഡിവിഷനുകളില്‍ പ്രചാരണം നടത്തി 27ന് വൈകിട്ട് 4:30ന് വടകര കോട്ടപ്പറമ്പില്‍ ജനജാഗ്രത സംഗമത്തോടെ സമാപിക്കും. ജാഗ്രതാ സംഗമത്തില്‍ പ്രമുഖ പ്രഭാഷകന്‍ അഡ്വ. റഫീഖ് കുറ്റിക്കാട്ടൂര്‍ സംസാരിക്കും. ഭയപ്പെടുത്തി കീഴ്‌പ്പെടുത്താന്‍ ശ്രമിക്കുന്ന സംഘപരിവാര്‍ ശക്തികള്‍ക്ക് മുന്നില്‍ വിറങ്ങലിച്ച് നില്‍ക്കുന്ന സമൂഹത്തിന് അതിജീവനത്തിന്റെ പാഠങ്ങള്‍ പകര്‍ന്ന് നല്‍കുക എന്നതാണ് കാംപയിനിലൂടെ ലക്ഷ്യമിടുന്നതെന്ന് കോഴിക്കോട് നോര്‍ത്ത് ജില്ലാ കമ്മിറ്റി പ്രസ്താവിച്ചു. യോഗത്തില്‍ ജില്ലാ പ്രസിഡന്റ് സി എ ഹാരിസ് അധ്യക്ഷത വഹിച്ചു. സെക്രട്ടറി എ പി നാസര്‍, കെ പി മുഹമ്മദ് അഷ്‌റഫ്, എന്‍ കെ സജീര്‍, സി കെ റഹീം പങ്കെടുത്തു.