Kozhikode

കോഴിക്കോട് സെന്‍ട്രല്‍ മാര്‍ക്കറ്റില്‍ 111 പേര്‍ക്ക് കൊവിഡ്

കോഴിക്കോട് സെന്‍ട്രല്‍ മാര്‍ക്കറ്റില്‍  111 പേര്‍ക്ക് കൊവിഡ്
X

കോഴിക്കോട്: നഗരപരിധിയില്‍ ഇന്ന് 144 പേര്‍ക്ക് കൊവിഡ് സ്ഥിരീകരിച്ചു. കോര്‍പ്പറേഷന്‍ പരിധിയില്‍ നാലിടത്തായി നടത്തിയ ആന്റിജന്‍ പരിശോധനയിലാണ് ഇത്രയും പേര്‍ക്ക് രോഗം സ്ഥിരീകരിച്ചത്. നഗരമധ്യത്തില്‍ സ്ഥിതി ചെയ്യുന്ന കോഴിക്കോട് സെന്‍ട്രല്‍ മാര്‍ക്കറ്റില്‍ ജോലി ചെയ്യുന്ന 111 പേര്‍ക്കാണ് രോഗം സ്ഥിരീകരിച്ചത്.

801 പേരില്‍ നടത്തിയ കൊവിഡ് പരിശോധനയിലാണ് 111 പേര്‍ക്ക് കൊവിഡ് പോസിറ്റീവായത്. സെന്‍ട്രല്‍ മാര്‍ക്കറ്റ് കൂടാതെ തീരദേശമേഖലയായ പയ്യാനക്കല്ലില്‍ 20 പേര്‍ക്കും വെള്ളയില്‍ എട്ടു പേര്‍ക്കും വെസ്റ്റ്ഹില്ലില്‍ അഞ്ച് പേര്‍ക്കും കൊവിഡ് സ്ഥിരീകരിച്ചിട്ടുണ്ട്. മത്സ്യത്തൊഴിലാളികള്‍ കൂടുതലായി ഇടപെടുകയും നിത്യേന ആളുകള്‍ പലവിധ ആവശ്യങ്ങള്‍ക്കായി എത്തുകയും ചെയ്യുന്ന കോഴിക്കോട് സെന്‍ട്രല്‍ മാര്‍ക്കറ്റില്‍ രോഗം പടര്‍ന്നത് വലിയ ആശങ്ക സൃഷ്ടിക്കുന്നുണ്ട്. കോഴിക്കോട് കോര്‍പ്പറേഷനോട് ചേര്‍ന്ന് കിടക്കുന്ന കടലുണ്ടി, ഫറൂഖ് മേഖലകളിലും രോഗവ്യാപനം ശക്തമാണ്.




Next Story

RELATED STORIES

Share it