കോട്ടയം ജില്ലയില് 15 പേര്ക്കു കൂടി കൊവിഡ്; സമ്പര്ക്കത്തിലൂടെ നാലു പേര്ക്ക്
കോട്ടയം: ആരോഗ്യ പ്രവര്ത്തകയും സമ്പര്ക്കത്തിലൂടെ രോഗബാധിതരായ നാലു പേരും ഉള്പ്പെടെ 15 പേര്ക്കു കൂടി കോട്ടയം ജില്ലയില് കൊവിഡ് സ്ഥിരീകരിച്ചു. പത്തനംതിട്ട എഴുമാന്തുരുത്തില് രോഗം സ്ഥിരീകരിച്ച ആരോഗ്യപ്രവര്ത്തകന്റെ സമ്പര്ക്കപ്പട്ടികയിലുണ്ടായിരുന്ന അയ്മനത്തെ ഒരു കുടുംബത്തിലെ മൂന്നു പേര്ക്കും ഇവരുടെ ബന്ധുവായ വെച്ചൂര് സ്വദേശിനിക്കുമാണ് സമ്പര്ക്കത്തിലൂടെ രോഗബാധയുണ്ടായത്.
പാറത്തോട്ടില് മസ്കത്തില്നിന്നെത്തിയ ഒരു കുടുംബത്തിലെ മൂന്നു പേര് രോഗബാധിതരായി. രോഗം ബാധിച്ചവരില് 13 പേര് വീട്ടില് നിരീക്ഷണത്തിലും ഒരാള് ക്വാറന്റയിന് കേന്ദ്രത്തിലും ഒരാള് ആശുപത്രിയിലും നിരീക്ഷണത്തിലായിരുന്നു. ഏഴു പേര് വിദേശത്തുനിന്നും മൂന്നു പേര് മറ്റു സംസ്ഥാനങ്ങളില്നിന്നും എത്തിയവരാണ്. എട്ടു പേര്ക്ക് രോഗലക്ഷണങ്ങള് ഉണ്ടായിരുന്നു. രോഗം ബാധിച്ചവരില് മൂന്നു പേര് പത്തു വയസില് താഴെയുള്ള കുട്ടികളാണ്.
ജില്ലയില് ആറു പേര്കൂടി രോഗമുക്തരായി. നിലവില് 134 പേരാണ് ചികിത്സയിലുള്ളത്. കോട്ടയം ജനറല് ആശുപത്രി-36, പാലാ ജനറല് ആശുപത്രി- 27, കോട്ടയം മെഡിക്കല് കോളേജ് ആശുപത്രി -24, മുട്ടമ്പലം ഗവണ്മെന്റ് വര്ക്കിംഗ് വിമന്സ് ഹോസ്റ്റലിലെ പ്രാഥമിക പരിചരണ കേന്ദ്രം-27 , അകലക്കുന്നം പ്രാഥിക പരിചരണ കേന്ദ്രം-16, എറണാകുളം മെഡിക്കല് കോളേജ് ആശുപത്രി-2, മഞ്ചേരി മെഡിക്കല് കോളേജ് ആശുപത്രി-1, ഇടുക്കി മെഡിക്കല് കോളേജ്-1, എന്നിങ്ങനെയാണ് വിവിധ കേന്ദ്രങ്ങളില് ചികിത്സയില് കഴിയുന്നവരുടെ കണക്ക്.
RELATED STORIES
സൈനിക ഹെലികോപ്റ്ററുകള് കൂട്ടിയിടിച്ച് 10 മരണം
23 April 2024 11:23 AM GMTഇസ്രായേലില് പൊട്ടിത്തെറി; മിലിറ്ററി ഇന്റലിജന്സ് മേധാവി...
22 April 2024 2:28 PM GMTഫാത്തിമ തസ്കിയയ്ക്ക് ആയിരങ്ങളുടെ യാത്രാമൊഴി
20 April 2024 6:31 AM GMTമോക്പോളില് ബിജെപിക്ക് അധികവോട്ട്; അന്വേഷണത്തിന് സുപ്രിംകോടതി
18 April 2024 12:57 PM GMTസെറിലാക്കിന്റെ ബേബിഫുഡ് അപകടകരം; അമിത അളവില് പഞ്ചസാരയെന്ന് പഠന...
18 April 2024 12:56 PM GMTഗള്ഫില് മഴയ്ക്കു ശമനം; കോടികളുടെ നഷ്ടം
17 April 2024 9:48 AM GMT