കൊല്ലത്ത് നിര്‍മാണജോലിക്കിടെ മണ്ണിടിഞ്ഞുവീണ് ഒരാള്‍ മരിച്ചു

കൊല്ലം: നിര്‍മാണജോലിക്കിടെ മണ്ണിടിഞ്ഞ് വീണ് ഒരാള്‍ മരിച്ചു. കൊല്ലം കണ്ണനല്ലൂരിലാണ് സംഭവം. ചേരിക്കോണം സ്വദേശി പ്രദീപ് ആണ് മരിച്ചത്. മണ്ണിനടിയില്‍പ്പെട്ട അന്തര്‍സംസ്ഥാന തൊഴിലാളിയെ രക്ഷപ്പെടുത്തി.

ഇയാളെ പരിക്കുകളോടെ ജില്ലാ ആശുപത്രിയില്‍ പ്രവേശിപ്പിച്ചു. ഇയാളുടെ ആരോഗ്യനില തൃപ്തികരമാണെന്നാണ് വിവരം. കണ്ണനല്ലൂരില്‍ സ്വകാര്യ വ്യക്തിയുടെ ഭൂമിയില്‍ മതില്‍ കെട്ടുന്നതിനായി മണ്ണുമാന്തി യന്ത്രമുപയോഗിച്ച് മണ്ണെടുക്കുന്നതിനിടെ രണ്ട് തൊഴിലാളികളുടെ ദേഹത്തേക്ക് മണ്ണിടിഞ്ഞ് വീഴുകയായിരുന്നു.