ആറ്റുകാല്‍ പൊങ്കാലയില്‍ പങ്കെടുക്കാന്‍ പോയ വീട്ടമ്മ ബസ്സിടിച്ച് മരിച്ചു

കൊല്ലം: ആറ്റുകാല്‍ പൊങ്കാലയില്‍ പങ്കെടുക്കാനായി മകള്‍ക്കൊപ്പം ഇരുചക്രവാഹനത്തില്‍ കൊല്ലം റെയില്‍വേ സ്റ്റേഷനിലേക്ക് പോയ വീട്ടമ്മ കെഎസ്ആര്‍ടിസി ബസ്സിടിച്ച് മരിച്ചു. ആശ്രാമം കാവടിപ്പുറം നഗര്‍-64ല്‍ ജലജ(മോളമ്മ- 52)യാണ് മരിച്ചത്. ചെമ്മാന്‍മുക്ക് ഭാരതരാജ്ഞി പളളിക്കുസമീപം രാവിലെ ആറരയോടെയായിരുന്നു അപകടം. കുളത്തുപ്പുഴ- കൊല്ലം വേണാട് ബസ്സാണ് ഇടിച്ചത്. ജലജ സംഭവസ്ഥലത്തു തന്നെ മരിച്ചു. ഗുരുതരമായി പരിക്കേറ്റ മകളെ കൊല്ലത്തെ സ്വകാര്യ മെഡിക്കല്‍ കോളജില്‍ പ്രവേശിപ്പിച്ചു. ഇരുചക്രവാഹനം പൂര്‍ണമായും തകര്‍ന്നു.