'എയിംസ് കാസര്‍കോടിന്റെ അവകാശം'; എസ് ഡിപിഐ പ്രക്ഷോഭത്തിലേക്ക്
കാസര്‍കോട്: ഓള്‍ ഇന്ത്യാ ഇന്‍സ്റ്റ്യൂട്ട് ഓഫ് മെഡിക്കല്‍ സയന്‍സസ് ജില്ലയ്ക്ക് അനുവദിക്കുന്നതില്‍ കേന്ദ്ര-കേരള സര്‍ക്കാരുകള്‍ നടത്തുന്ന നാടകങ്ങള്‍ അവസാനിപ്പിക്കണമെന്ന് എസ്ഡിപിഐ കാസര്‍കോട് ജില്ലാ കമ്മിറ്റി. എന്‍ഡോസള്‍ഫാന്‍ ദുരിതബാധിതര്‍ക്ക് ഏറെ ആശ്വാസകരമാകുന്നതും ആതുര മേഖലയില്‍ കാസര്‍കോടിന്റെ ഇല്ലായ്മകള്‍ക്ക് പരിഹാരമാവുകയും ചെയ്യുന്ന എയിംസ് വിഷയത്തില്‍ കേന്ദ്ര-കേരള സര്‍ക്കാറുകള്‍ക്ക് നേതൃത്വം നല്‍കുന്ന പാര്‍ട്ടികള്‍ കാപട്യം വെടിഞ്ഞ് കാസര്‍കോടിലെ ജനതയോടൊപ്പം നില്‍ക്കണം.
എയിംസിന് വേണ്ടിയുള്ള സമരങ്ങളുടെ ഭാഗമായി 'എയിംസ്-കാസര്‍കോടിന്റെ അവകാശം' എന്ന മുദ്രവാക്യത്തില്‍ ജൂലൈ 6ന് ജില്ലയിലെ പാര്‍ട്ടി പ്രവര്‍ത്തകരുടെയും അനുഭാവികളുടെയും വീടുകളില്‍ പ്ലക്കാര്‍ഡുമേന്തി കുടുംബ കാംപയിന്‍ സംഘടിപ്പിക്കും. തുടര്‍സമരങ്ങള്‍ക്ക് പാര്‍ട്ടി സജീവമാകുമെന്നും കമ്മിറ്റി അറിയിച്ചു ജില്ലാ പ്രസിഡന്റ് എന്‍ യു അബ്ദുസ്സലാം അധ്യക്ഷത വഹിച്ചു. ഇഖ്ബാല്‍ ഹൊസങ്കടി, ഖാദര്‍ അറഫ, സി എ സവാദ്, അബ്ദുല്ല എരിയാല്‍, അന്‍സാര്‍ ഹൊസങ്കടി, സകരിയ്യ കുന്നില്‍, മൂസ ഇച്ചിലിങ്കാല്‍, ലിയാഖത്തലി, ഖമറുല്‍ ഹസീന, ശാനിദ ഹാരിസ്, അഹമ്മദ് ചൗക്കി സംസാരിച്ചു.
'AIIMS is right of Kasargod'; SDPI goes to campaign
