ഇരിട്ടിയിലെ പച്ചക്കറി വ്യാപാരി കൊവിഡ് ബാധിച്ച് മരിച്ചു

ഇരിട്ടി: ഇരിട്ടിയിലെ പച്ചക്കറി വ്യാപാരി കൊവിഡ് ബാധിച്ച് മരിച്ചു. പഴയ ബസ് സ്റ്റാന്റിലെ ത്രീസ്റ്റാര്‍ വെജിറ്റബിള്‍സ് പാര്‍ടണര്‍ ശിവപുരം എ വി ഹൗസില്‍ എ പി അന്ത്രു എന്ന അബ്ദുര്‍റഹ്മാന്‍ (65) ആണ് ചികിത്സയിലിരിക്കെ മരിച്ചത്.ഈ മാസം ഒന്നിന് രോഗം സ്ഥിരികരിച്ചതിനെ തുടര്‍ന്ന് കോഴിക്കോട് സ്വകാര്യ ആശുപത്രിയില്‍ ചികിത്സയിലിരിക്കെ ഞായറാഴ്ച വൈകീട്ടോടെയായിരുന്നു മരണം. 40 വര്‍ഷത്തിലേറെയായി ഇരിട്ടിയില്‍ പച്ചക്കറി വ്യാപാരം നടത്തിവരുന്ന അന്ത്രു മേഖലയിലെ പ്രധാന മൊത്ത വ്യാപാരിയാണ്.

ഭാര്യ: ടി പി റഷീദ. മക്കള്‍: റീമസ് (എ ആര്‍ ഇലക്ട്രിക്കല്‍സ് ഇരിട്ടി), ഹസീബ് (ത്രീ സ്റ്റാര്‍ വെജിറ്റബിള്‍സ്, ഇരിട്ടി), റംസീന. മരുമക്കള്‍: നിഷാന, ഷഹാന, പരേതനായ ഷമീര്‍. സഹോദരങ്ങള്‍: ആയിഷ, മറിയു, പരേതനായ മഹമൂദ്. കൊവിഡ് പ്രോട്ടോക്കോള്‍ പ്രകാരം ശിവപുരം ജുമാ മസ്ജിദ് ഖബര്‍സ്ഥാനില്‍ ഖബറടക്കി.