Idukki

വാക്കുതര്‍ക്കം; ഇടുക്കിയില്‍ സഹോദരന് നേരേ വെടിയുതിര്‍ത്ത് യുവാവ്

വാക്കുതര്‍ക്കം; ഇടുക്കിയില്‍ സഹോദരന് നേരേ വെടിയുതിര്‍ത്ത് യുവാവ്
X

ഇടുക്കി: സേനാപതി മാവര്‍ സിറ്റിയില്‍ വാക്കുതര്‍ക്കത്തിനിടയില്‍ അനുജന്‍ ജ്യേഷ്ഠന് നേരേ വെടിയുതിര്‍ത്തു. മാവര്‍സിറ്റി സ്വദേശി സിബി ജോര്‍ജിനാ (42) ണ് കഴുത്തില്‍ വെടിയേറ്റത്. അനിയന്‍ സാന്റോ വര്‍ഗീസ് (38) എയര്‍ഗണ്‍ കൊണ്ട് വെടിവയ്ക്കുകയായിരുന്നു. ഇന്നലെ രാത്രിയിലാണ് സംഭവം. വാക്കുതര്‍ക്കമാണ് വെടിവയ്പ്പില്‍ കലാശിച്ചത്.

തര്‍ക്കത്തെത്തുടര്‍ന്ന് ആദ്യം സ്ഥലത്ത് പോലിസെത്തി ഇരുവരുമായി സംസാരിച്ച് ഒത്തുതീര്‍പ്പിലെത്തിയതായിരുന്നു. പോലിസ് മടങ്ങിയശേഷമാണ് ജീപ്പിനുള്ളില്‍ കരുതിയിരുന്ന എയര്‍ഗണ്‍ ഉപയോഗിച്ച് സാന്റോ സിബിയെ വെടിവച്ചത്. വെടിയേറ്റ സിബിയെ നാട്ടുകാര്‍ അടിമാലിയിലുള്ള സ്വകാര്യാശുപത്രിയില്‍ പ്രവേശിപ്പിച്ചു. ശസ്ത്രക്രിയക്ക് വിധേയനായ സിബി അപകടനില തരണം ചെയ്തതായി ഡോക്ടര്‍മാര്‍ അറിയിച്ചു.

Next Story

RELATED STORIES

Share it