മുളകുപൊടിയെറിഞ്ഞ് മോഷണം: രണ്ട് യുവാക്കള് പിടിയില്
ആറന്മുള മാലക്കര തോണ്ടുതറയില് ലിജു സി മാത്യു(23), മുളക്കുഴ കാരക്കാട് ആര്യഭവനില് അഖില്(23) എന്നിവരെയാണ് ചെങ്ങന്നൂര് പോലിസ് അറസ്റ്റുചെയ്തത്.
ചെങ്ങന്നൂര്: കണ്ണില് മുളകുപൊടിയെറിഞ്ഞ് ബൈക്ക് യാത്രക്കാരന്റെ സ്വര്ണമാല കവര്ന്ന കേസില്ല് പൊലീസ് രണ്ടുപേരെ അറസ്റ്റ് ചെയ്തു. ആറന്മുള മാലക്കര തോണ്ടുതറയില് ലിജു സി മാത്യു(23), മുളക്കുഴ കാരക്കാട് ആര്യഭവനില് അഖില്(23) എന്നിവരെയാണ് ചെങ്ങന്നൂര് പോലിസ് അറസ്റ്റുചെയ്തത്. ആലപെണ്ണുക്കര ദേവീക്ഷേത്രത്തിനു സമീപം ശ്രീകാര്ത്തികയില് ഗണേഷ് കരുണാകരന് നായരെ (39)യാണ് സംഘം ആക്രമിച്ച് ഒന്പതര പവന്റെ മാല കവര്ന്നത്. ചൊവ്വാഴ്ച രാത്രി 10ന് പെണ്ണുക്കരപളളിമുക്ക് റോഡിലാണ് സംഭവം.
ചെങ്ങന്നൂര് ടൗണില് നിന്ന് ഭക്ഷണം വാങ്ങി മടങ്ങുകയായിരുന്ന ഗണേശിനെ പെണ്ണുക്കര മര്ത്തോമ്മ പളളിയുടെ സമീപംവച്ച് മറ്റൊരു ബൈക്കില് പിന്തുടര്ന്നെത്തിയ സംഘം തടഞ്ഞു നിര്ത്തി. ഗണേശിന്റെ കൈയില് പതിച്ചിരിക്കുന്ന ടാറ്റു എവിടെയാണ് ചെയ്തതെന്ന് ചോദിച്ചശേഷം പ്രതികള് കൈയില് കരുതിയ മുളകുപൊടി മുഖത്തുവിതറി മര്ദ്ദിക്കുകയായിരുന്നു. ഇതിനിടെ ഗണേഷിനെ ബൈക്കില് നിന്നു ചവിട്ടി റോഡിലിട്ടശേഷം മാലപൊട്ടിച്ച് രക്ഷപ്പെടുകയായിരുന്നു. മാല പറിച്ചെടുക്കാന് ശ്രമിക്കുന്നതിനിടെ ഗണേശിന്റെ കഴുത്ത് വട്ടത്തില് മുറിഞ്ഞു. ഓടിക്കൂടിയ നാട്ടുകാര് ഗണേശിനെ ചെങ്ങന്നൂര് ജില്ലാ ആശുപത്രിയില് പ്രവേശിപ്പിച്ചു. ബഹ്റയ്നില് പ്രവാസിയാ ഗണേശ് മസ്തിഷ്ക സംബന്ധമായ രോഗത്തിന് ചികിത്സയിലായിരുന്നു. സിസി ടിവി ക്യാമറ ദൃശ്യങ്ങള് നോക്കിയാണ് പ്രതികളെ തിരിച്ചറിഞ്ഞത്. ലിജുവിനെ കൊല്ലത്തുനിന്നും അഖിലിനെ ചെങ്ങന്നൂരില് നിന്നും ഇന്നു രാവിലെ പിടികൂടി. ഗണേശിന്റെ കഴുത്തില് നിന്നും പൊട്ടിച്ചെടുത്തമാല ഇതിനോടകം തന്നെ പ്രതികള് ചെങ്ങന്നൂരിലെ ഒരു ജൂവലറിയില് വില്പ്പനനടത്തിയിരുന്നു. ഇവര് മോഷണത്തിനായി സഞ്ചരിച്ച ബൈക്കും തൊണ്ടിമുതലും പൊലിസ് കണ്ടെത്തി.
RELATED STORIES
പയ്യാമ്പലത്തെ സി പി എം സ്മൃതി കുടീരങ്ങള്ക്ക് നേരെയുണ്ടായ അതിക്രമം;...
29 March 2024 2:17 PM GMTമുക്താര് അന്സാരിയുടെ സംസ്കാര ചടങ്ങില് പങ്കെടുക്കണം; കോടതിയെ...
29 March 2024 1:56 PM GMTകോണ്ഗ്രസിനെതിരേ 'നികുതി ഭീകരത; ബിജെപിയില്നിന്ന് 4617 കോടി...
29 March 2024 12:14 PM GMTഭാര്യയെ 'ഭൂതം, 'പിശാച്' എന്ന് വിളിക്കുന്നത് ക്രൂരതയല്ല; ഭര്ത്താവിന്റെ ...
29 March 2024 11:55 AM GMTകെജ്രിവാളിന് പിന്തുണ അറിയിക്കാന് വാട്സാപ് നമ്പര്; 'കെജ്രിവാള് കൊ ...
29 March 2024 11:21 AM GMT11 കോടി നല്കണം; കോണ്ഗ്രസിന് പിന്നാലെ സിപിഐക്ക് നോട്ടീസ് അയച്ച്...
29 March 2024 11:15 AM GMT