ആലപ്പുഴ മുനിസിപ്പാലിറ്റിയിലെ സ്‌കൂളുകള്‍ക്ക് ഇന്ന് അവധി

ആലപ്പുഴ: മുനിസിപ്പല്‍ മേഖലയിലെ ഹയര്‍ സെക്കന്‍ഡറി തലം വരെയുള്ള സ്‌കൂളുകള്‍ക്ക് ജില്ലാ കലക്ടര്‍ ഇന്ന് അവധി പ്രഖ്യാപിച്ചു. 12 മണിക്കൂറിനിടെ ആലപ്പുഴയില്‍ രണ്ട് കൊലപാതകങ്ങള്‍ നടന്ന പശ്ചാത്തലത്തിലാണ് അവധി. എസ്ഡിപിഐ സംസ്ഥാന സെക്രട്ടറി കെ എസ് ഷാനും ഒബിസി മോര്‍ച്ച സംസ്ഥാന സെക്രട്ടറി രഞ്ജിത്ത് ശ്രീനിവാസനുമാണ് കൊല്ലപ്പെട്ടത്.

അക്രമസാധ്യത കണക്കിലെടുത്ത് ആലപ്പുഴ ജില്ലയില്‍ രണ്ട് ദിവസം പോലിസ് നിരോധനാജ്ഞ പ്രഖ്യാപിച്ചിട്ടുണ്ട്. കലക്ടര്‍ ഇന്ന് വൈകീട്ട് മൂന്നിന് സര്‍വകക്ഷി സമധാനയോഗവും വിളിച്ചിട്ടുമുണ്ട്. ആലപ്പുഴ കലക്ടറേറ്റില്‍ നടക്കുന്ന യോഗത്തില്‍ മന്ത്രിമാരും എംഎല്‍എമാരും രാഷ്ട്രീയ പാര്‍ട്ടി നേതാക്കളും പങ്കെടുക്കും.