ഇന്ത്യന് മിലിട്ടറി കോളജ് പ്രവേശന പരീക്ഷ ഡിസംബര് 18ന്; അഡ്മിഷന് ആണ്കുട്ടികള്ക്ക് മാത്രം
തിരുവനന്തപുരം: ഡെറാഡൂണിലെ ഇന്ത്യന് മിലിട്ടറി കോളജിലേയ്ക്ക് 2022 ജൂലൈയില് നടക്കുന്ന പ്രവേശനത്തിനുള്ള പ്രവേശന പരീക്ഷ തിരുവനന്തപുരത്ത് പൂജപ്പുരയിലുള്ള പരീക്ഷാ കമ്മീഷണറുടെ ഓഫിസില് ഡിസംബര് 18ന് നടത്തും. ആണ്കുട്ടികള്ക്ക് മാത്രമാണ് പ്രവേശനം. 01.7.2022ല് അഡ്മിഷന് സമയത്ത് അംഗീകാരമുള്ള ഏതെങ്കിലും വിദ്യാലയത്തില് എഴാം ക്ലാസ്സില് പഠിക്കുകയോ, എഴാം ക്ലാസ് പാസായിരിക്കുകയോ വേണം. 02/07/2009ന് മുമ്പോ 01/01/2011ന് ശേഷമോ ജനിച്ചവര്ക്ക് അപേക്ഷിക്കാന് അര്ഹത ഉണ്ടായിരിക്കില്ല. (അതായത് 01/07/2022ല് അഡ്മിഷന് സമയത്ത് പതിനൊന്നര വയസിനും 13 വയസിനും ഉള്ളിലുള്ളവരായിരിക്കണം). അഡ്മിഷന് നേടിയ ശേഷം ജനന തിയ്യതിയില് മാറ്റം അനുവദിക്കില്ല.
പ്രവേശന പരീക്ഷയ്ക്കുള്ള അപേക്ഷാ ഫോമും, വിവരങ്ങളും, മുന്വര്ഷങ്ങളിലെ ചോദ്യപേപ്പറുകളും ലഭിക്കുന്നതിനായി രാഷ്ട്രീയ ഇന്ത്യന് മിലിട്ടറി കോളജില് അപേക്ഷിക്കാം. പരീക്ഷ എഴുതുന്ന ജനറല് വിഭാഗത്തിലെ കുട്ടികള്ക്ക് 600 രൂപയ്ക്കും, എസ്സി/എസ്ടി വിഭാഗത്തിലെ കുട്ടികള്ക്ക് ജാതി തെളിയിക്കുന്ന സര്ട്ടിഫിക്കറ്റുകള് സഹിതം 555 രൂപയ്ക്കും അപേക്ഷാഫോം ലഭിക്കും. അപേക്ഷ സ്പീഡ് പോസ്റ്റില് ലഭിക്കും. അപേക്ഷ ലഭിക്കുന്നതിന് ഡിമാന്റ് ഡ്രാഫ്റ്റ് 'ദി കമാന്ഡന്റ്, രാഷ്ട്രീയ ഇന്ത്യന് മിലിട്ടറി കോളജ്, ഡെറാഡൂണ്, ഡ്രായീ ബ്രാഞ്ച്, സ്റ്റേറ്റ് ബാങ്ക് ഓഫ് ഇന്ഡ്യ, ടെല് ഭവന്, ഡെറാഡൂണ്, ഉത്തരാഖണ്ഡ് (ബാങ്ക് കോഡ് 01576)' എന്ന വിലാസത്തില് മാറാവുന്ന തരത്തില് എടുത്ത് കത്ത് സഹിതം 'ദി കമാന്ഡന്റ്, രാഷ്ട്രീയ ഇന്ത്യന് മിലിട്ടറി കോളജ്, ഡെറാഡൂണ്, ഉത്തര്ഖണ്ഡ്248003 എന്ന വിലാസത്തില് അപേക്ഷിക്കണം. ഓണ്ലൈനായി പണമടയ്ക്കുന്നതിനുള്ള നിര്ദേശങ്ങള് www.rimc.gov.in ല് ലഭ്യമാണ്.
കേരളത്തിലും, ലക്ഷദ്വീപിലുമുള്ള അപേക്ഷകര് രാഷ്ട്രീയ ഇന്ത്യന് മിലിട്ടറി കോളജില്നിന്നും ലഭിക്കുന്ന നിര്ദിഷ്ട അപേക്ഷകള് പൂരിപ്പിച്ച് ഒക്ടോബര് 30 മുമ്പ് ലഭിക്കുന്ന തരത്തില് 'സെക്രട്ടറി, പരീക്ഷാഭവന്, പൂജപ്പുര, തിരുവനന്തപുരം12' എന്ന വിലാസത്തില് അയയ്ക്കണം. ഡെറാഡൂണ് രാഷ്ട്രീയ ഇന്ത്യന് മിലിട്ടറി കോളേജില് നിന്നും ലഭിച്ച നിര്ദ്ദിഷ്ട അപേക്ഷാ ഫോറം (2 കോപ്പി), പാസ്പോര്ട്ട് വലിപ്പത്തിലുള്ള 2 ഫോട്ടോകള് (ഒരു കവറില് ഉള്ളടക്കം ചെയ്തിരിക്കണം), സ്ഥലത്തെ ജനനമരണ രജിസ്ട്രാര് നല്കുന്ന ജനന സര്ട്ടിഫിക്കറ്റിന്റെ സാക്ഷ്യപ്പെടുത്തിയ 2 പകര്പ്പുകള്, സ്ഥിരമായ വാസസ്ഥലം സംബന്ധിക്കുന്ന സര്ട്ടിഫിക്കറ്റ് (State Domicile Certificate), കുട്ടി നിലവില് പഠിക്കുന്ന സ്കൂളിലെ മേലധികാരി നിര്ദിഷ്ട അപേക്ഷാഫോറം സാക്ഷ്യപ്പെടുത്തുന്നതിനോടൊപ്പം ഫോട്ടോ പതിപ്പിച്ച് ജനന തിയ്യതി, കുട്ടി ഏതു ക്ലാസ്സില് പഠിക്കുന്നു എന്നുള്ളതും സാക്ഷ്യപ്പെടുത്തിയത്, പട്ടികജാതി/പട്ടികവര്ഗ വിഭാഗത്തില്പ്പെട്ടവര് ജാതി തെളിയിക്കുന്ന സര്ട്ടിഫിക്കറ്റിന്റെ രണ്ട് പകര്പ്പ്, ആധാര് കാര്ഡിന്റെ രണ്ട് പകര്പ്പ് (ഇരുവശവും ഉള്ളത്), 9:35 ഃ 4.25 ഇഞ്ച് വലിപ്പത്തിലുള്ള പോസ്റ്റേജ് കവര് (അഡ്മിഷന് ടിക്കറ്റ് ലഭിക്കേണ്ട മേല്വിലാസം എഴുതി 42 രൂപയുടെ സ്റ്റാമ്പ് പതിച്ചത്) എന്നിവ അപേക്ഷയ്ക്കൊപ്പം അയയ്ക്കണം.
RELATED STORIES
ഇസ്രായേലിന്റെ ആണവനിലയങ്ങള് അത്യാധുനിക ആയുധങ്ങളാല് തകര്ക്കുമെന്ന്...
19 April 2024 1:15 PM GMTമഹാരാഷ്ട്രയിൽ സ്വതന്ത്രനായി മത്സരിക്കാൻ പത്രിക നൽകി 'യമരാജൻ'
19 April 2024 10:50 AM GMTജോലിക്കിടയില് കാണാതായ ആലുവ ഹെഡ് പോസ്റ്റ് ഓഫിസ് ജീവനക്കാരനെ...
19 April 2024 10:49 AM GMTകെ കെ ശൈലജക്കെതിരെ സമൂഹമാധ്യമത്തില് അശ്ലീല കമന്റിട്ട...
19 April 2024 10:47 AM GMTകാട്ടുമാടം മനയിൽ നിന്ന് പുരാതന വിഗ്രഹങ്ങളും സ്വര്ണാഭരണങ്ങളും കവര്ന്ന ...
19 April 2024 10:46 AM GMTരാഹുല് ഗാന്ധിക്കെതിരെ പരിഹാസ പരാമര്ശവുമായി മുഖ്യമന്ത്രി പിണറായി...
19 April 2024 10:44 AM GMT