യുപി സര്ക്കാരിനു കനത്ത തിരിച്ചടി, ഡോ. കഫീല് ഖാന് ആശ്വാസം; എന്എസ് എ പിന്വലിച്ചതിനെതിരേ നല്കിയ അപ്പീല് സുപ്രിംകോടതി തള്ളി
അലിഗഡ് സര്വകലാശാലയിലെ പരിപാടിയില് പൗരത്വ ഭേദഗതി നിയമത്തിനെതിരേ പ്രസംഗിച്ചെന്ന് ചൂണ്ടിക്കാട്ടിയാണ് ഡോ. കഫീല് ഖാനെതിരെ ദേശസുരക്ഷ നിയമം ചുമത്തിയിരുന്നത്. ഇത് അലഹാബാദ് ഹൈക്കോടതി റദ്ദാക്കുകയും നിയമവിരുദ്ധമായാണ് കഫീല് ഖാനെ തടവിലിട്ടിരിക്കുന്നതെന്നും ഉടന് മോചിപ്പിക്കണമെന്നും നിര്ദേശിച്ചിരുന്നെങ്കിലും യുപി സര്ക്കാര് അപ്പീല് നല്കുകയായിരുന്നു. എന്എസ്എ ചുമത്തിയാല് സര്ക്കാര് അനുമതിയുണ്ടെങ്കില് 12 മാസം വരെ കുറ്റം ചുമത്താതെ തടവിലിടാന് സാധിക്കും.
എന്എസ്എ ചുമത്തിയ ശേഷം മൂന്നുതവണ ഡോ. കഫീല് ഖാന്റെ തടവ് കാലാവധി നീട്ടിയിരുന്നു. രണ്ടാംതവണ നീട്ടിയ പരിധി ആഗസ്ത് 13ന് അവസാനിച്ചിരുന്നു. ഇതിനെതിരേ കഫീല് ഖാന്റെ മാതാവ് കോടതിയെ സമീപിച്ചപ്പോഴാണ് അലഹബാദ് ഹൈക്കോടതിയുടെ ഇടപെടലുണ്ടായത്. ഇക്കഴിഞ്ഞ ഡിസംബറിലാണ് കഫീല് ഖാന് വിവാദ പ്രസംഗം നടത്തിയെന്ന് ആരോപിച്ച് യുപി പോലിസ് കേസെടുത്തത്. ജനുവരിയില് മുംബൈയിലെത്തിയ യുപി പോലിസ് അദ്ദേഹത്തെ അറസ്റ്റ് ചെയ്യുകയായിരുന്നു. ജാമ്യം ലഭിച്ച് പുറത്തിറങ്ങാനിരിക്കെ ഫെബ്രുവരിയില് എന്എസ്എ ചുമത്തുകയും പിന്നീട് തടവ് സര്ക്കാര് തുടര്ച്ചയായി നീട്ടുകയായിരുന്നു. ഒടുവില് എട്ടുമാസത്തെ ജയില് വാസത്തിനു ശേഷം ഇക്കഴിഞ്ഞ സപ്തംബര് രണ്ടിനാണു മോചിതനായത്. നേരത്തേ യുപിയിലെ ഗൊരഖ്പുര് ബാബ രാഘവ് ദാസ് മെഡിക്കല് കോളജില് ശിശുരോഗ വിദഗ്ധനായിരുന്ന ഡോ. കഫീല് ഖാന് ഓക്സിജന് ക്ഷാമത്തെ തുടര്ന്ന് കുട്ടികള് മരിച്ച സംഭവം പുറംലോകത്തെത്തിച്ചതോടെ യുപി സര്ക്കാര് വേട്ടയാടുകയാണ്.
Supreme Court dismisses UP govt appeal against Allahabad HC order on Kafeel Khan
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT