കൊവിഡ് വാഹന പരിശോധനയ്ക്ക് പോലിസിനൊപ്പം സേവാഭാരതിയും; ആഭ്യന്തര വകുപ്പ് വീണ്ടും വല്സന് തില്ലങ്കേരി ഏറ്റെടുത്തോയെന്ന് സോഷ്യല് മീഡിയ
ശബരിമല വിവാദസമയത്ത് ആര്എസ്എസ് നേതാവ് വല്സന് തില്ലങ്കേരി പോലിസിന്റെ വയര്ലെസ് ഉപയോഗിച്ചതും ഏറെ വിവാദമായിരുന്നു
കൊവിഡ് വ്യാപിക്കുന്ന സാഹചര്യത്തില് സന്നദ്ധ സേന അംഗങ്ങള് പോലിസിനെ സഹായിക്കാന് രംഗത്തെത്തിയിട്ടുണ്ട്. എന്നാല്, ഇതിലൊന്നും രാഷ്ട്രീയപ്പാര്ട്ടികളുടെയോ സന്നദ്ധ സംഘടനകളുടെയോ അടയാളങ്ങളോ മറ്റോ ഉള്ള യാതൊന്നും ഉപയോഗിച്ചിരുന്നില്ല. ഡിവൈഎഫ്ഐ ഉള്പ്പെടെയുള്ള സംഘടനകളുടെ വോളന്റിയര്മാര് ഇത്തരത്തില് സേവനത്തിനുണ്ടെങ്കിലും ഇവരെല്ലാം സാധാരണ വസ്ത്രമാണ് ധരിച്ചിരുന്നത്. എന്നാല് ഇന്ന് സന്നദ്ധ സേവനത്തിനെത്തിയ ആര്എസ്എസ് പ്രവര്ത്തകരാണ് സേവാഭാരതിയുടെ കുങ്കുമ നിറത്തിലുള്ള പേരെഴുതിയ ടീ ഷര്ട്ട് ധരിച്ചെത്തിയത്. ഇന്നലെ സേവാഭാരതിയുടെ യൂനിഫോം ധരിച്ചിരുന്നില്ലെന്നും ഇന്നാണ് യൂനിഫോം ധരിച്ചെത്തിയതെന്നുമാണ് പ്രദേശവാസികള് പറയുന്നത്.
പാലക്കാട് ജില്ലയില് സേവാഭാരതി പ്രവര്ത്തകരും പോലീസും ചേര്ന്ന് വാഹന പരിശോധന. പാലക്കാട് കാടാംകോടാണ് സേവാഭാരതി എന്നെഴുതിയ...
Posted by T Siddique on Monday, 10 May 2021
സംഭവത്തിന്റെ ചിത്രങ്ങള് സാമൂഹിക മാധ്യമങ്ങളിലൂടെ പുറത്തുവന്നതോടെ വ്യാപക വിമര്ശനമാണുയരുന്നത്. ആഭ്യന്തര വകുപ്പ് വീണ്ടും വല്സന് തില്ലങ്കേരി ഏറ്റെടുത്തോയെന്നാണ് ചിലര് ചോദിക്കുന്നത്. പോലിസിന്റെ അധികാരം സേവഭാരതിക്ക് നല്കുന്നത് ശരിയാണോ എന്ന് പരിശോധിക്കണം. പോലിസിനെ സംഘടനകള് സഹായിക്കേണ്ടത് അധികാരം പങ്കിട്ട് കൊണ്ടാവരുത്. ഉത്തരേന്ത്യ അല്ല കേരളം എന്നു കോണ്ഗ്രസ് നേതാവും നിയുക്ത എംഎല്എയുമായ ടി സിദ്ദീഖ് ഫേസ് ബുക്കിലൂടെ ചോദിച്ചു. നേരത്തേ പാലക്കാട് നഗരസഭാ ഭരണം ബിജെപിക്ക് ലഭിച്ചപ്പോള് നഗരസഭാ കാര്യാലയത്തിനു മുകളില് കയറി ജയ് ശ്രീറാം ബാനര് സ്ഥാപിച്ചത് ഏറെ വിവാദമായിരുന്നു. ശബരിമല വിവാദസമയത്ത് ആര്എസ്എസ് നേതാവ് വല്സന് തില്ലങ്കേരി പോലിസിന്റെ വയര്ലെസ് ഉപയോഗിച്ചതും ഏറെ വിവാദമായിരുന്നു.
Sevabharati with police for covid vehicle inspection in Palakkad
RELATED STORIES
ഇടക്കാല ജാമ്യം; 50 ദിവസത്തിനു ശേഷം കെജ് രിവാള് ജയിലില് നിന്ന്...
10 May 2024 2:08 PM GMTകെജ് രിവാളിന്റെ ജാമ്യം: തിരഞ്ഞെടുപ്പില് പ്രതിഫലിക്കുമെന്ന്...
10 May 2024 1:54 PM GMT'ഇപ്പോഴും ഊമക്കത്തുകൾ വരുന്നുണ്ട്, കേസിൽ രണ്ട് പേരെ സംശയം';...
10 May 2024 11:28 AM GMTമോദിക്ക് പരാജയ ഭീതി, അദാനിയോടും അംബാനിയോടും രക്ഷിക്കാൻ ആവശ്യപ്പെടുന്നു ...
10 May 2024 11:22 AM GMTകള്ളപ്പണം വെളുപ്പിക്കൽ കേസ്; ഹേമന്ത് സോറന്റെ ഹരജി നിഷ്ഫലമെന്ന് ...
10 May 2024 11:11 AM GMTനരേന്ദ്ര ദബോല്ക്കറിനെ വെടിവച്ചു കൊന്ന കേസ്: രണ്ട് ഹിന്ദുത്വര്ക്ക്...
10 May 2024 9:21 AM GMT