- Home
- Latest News
- news line
- Districts
- Kerala
- India
- World
- Sports
- Videos+
- Arogyathejas
- Around The Globe
- Bomb Squad
- Charithrapadham
- Cinimayude Varthamanam
- Cut 'n' Right
- Editors Voice
- Hridaya Thejas
- In Focus
- In Quest
- India Scan
- Kalikkalam
- Marupaksham
- NEWS LINE
- Nireekshanam
- Pusthakavicharam
- RAMADAN VICHARAM
- Samantharam
- Shani Dasha
- Swathwa Vicharam
- Vazhivelicham
- VideoNews
- World in Words
- Yathra
- voice over
- Sub Lead
നിപ: കോഴിക്കോട് ജില്ലയില് ഒരാഴ്ച നിര്ണായകമെന്ന് ആരോഗ്യമന്ത്രി
പേ വാര്ഡ് ബ്ലോക്കില് താഴെ നിലയില് രോഗം സ്ഥിരീകരിക്കുന്നവരേയും മറ്റു രണ്ട് നിലകളില് നിരീക്ഷണത്തിലുള്ളവരേയുമാണ് പ്രവേശിപ്പിക്കുക. ചാത്തമംഗലം പഞ്ചായത്തിലാണ് നിപ ബാധിച്ച കുട്ടിയുടെ വീട്. ഈ വീടിനടുത്ത പ്രദേശങ്ങളെ ഉള്പ്പെടുത്തി മൂന്ന് കിലോമീറ്റര് ചുറ്റളവ് കണ്ടെയിന്റ്മെന്റ് സോണാക്കി.

കോഴിക്കോട്: ജില്ലയില് നിപ വൈറസ് സ്ഥിരീകരിച്ച 12 വയസ്സുകാരന് മരണപ്പെട്ട സാഹചര്യത്തില് വൈറസ് വ്യാപനം തടയുന്നതില് അടുത്ത ഒരാഴ്ച നിര്ണായകമെന്ന് ആരോഗ്യമന്ത്രി വീണാ ജോര്ജ്. നിപ പ്രതിരോധ പ്രവര്ത്തനങ്ങള് സംബന്ധിച്ച് മന്ത്രിമാരായ എ കെ ശശീന്ദ്രന്, പി എ മുഹമ്മദ് റിയാസ്, അഹമ്മദ് ദേവര്കോവില് എന്നിവരുടെ സാന്നിധ്യത്തില് കലക്ടറേറ്റ് കോണ്ഫറന്സ് ഹാളില് ചേര്ന്ന യോഗത്തില് സംസാരിക്കുകയായിരുന്നു മന്ത്രി. മെഡിക്കല് കോളജിലെ പേ വാര്ഡ് ബ്ലോക്ക് നിപ ചികില്സയ്ക്കായി മാറ്റിയിട്ടുണ്ട്. അവിടെയുണ്ടായിരുന്ന രോഗികളെ മറ്റ് വാര്ഡുകളിലേക്ക് മാറ്റി. ഹൈ റിസ്ക്ക് പട്ടികയിലുള്ള 18 പേരെ ഇവിടെ പ്രവേശിപ്പിച്ചു.
പേ വാര്ഡ് ബ്ലോക്കില് താഴെ നിലയില് രോഗം സ്ഥിരീകരിക്കുന്നവരേയും മറ്റു രണ്ട് നിലകളില് നിരീക്ഷണത്തിലുള്ളവരേയുമാണ് പ്രവേശിപ്പിക്കുക. ചാത്തമംഗലം പഞ്ചായത്തിലാണ് നിപ ബാധിച്ച കുട്ടിയുടെ വീട്. ഈ വീടിനടുത്ത പ്രദേശങ്ങളെ ഉള്പ്പെടുത്തി മൂന്ന് കിലോമീറ്റര് ചുറ്റളവ് കണ്ടെയിന്റ്മെന്റ് സോണാക്കി. സമീപ പ്രദേശങ്ങളിലും കോഴിക്കോട് ജില്ലയിലും മലപ്പുറം, കണ്ണൂര് ജില്ലകളിലും ജാഗ്രതാ നിര്ദേശം നല്കി. ചികില്സയുമായി ബന്ധപ്പെട്ട് ആവശ്യത്തിനനുസരിച്ചുള്ള മരുന്നുകളുടെ ലഭ്യത ഉറപ്പുവരുത്തിയിട്ടുണ്ട്.
നിരീക്ഷണത്തിലുള്ളവര്ക്കായി ഇന്ന് വൈകുന്നേരത്തിനുള്ളില് പോയിന്റ് ഓഫ് കെയര് (ട്രൂനാറ്റ്) പരിശോധന കോഴിക്കോട് മെഡിക്കല് കോളജില് നടത്തും. പുനെ വൈറോളജി ഇന്സ്റ്റിറ്റിയൂട്ടില്നിന്ന് ഇതിനായി സംഘമെത്തി ലാബ് സജ്ജീകരിക്കും. പോയിന്റ് ഓഫ് കെയര് പരിശോധനയില് പോസിറ്റീവാണെന്ന് കണ്ടെത്തിയാല് പൂനെ വൈറോളജി ഇന്സ്റ്റിറ്റിയൂട്ടില് കണ്ഫേര്മേറ്റീവ് പരിശോധന നടത്തി 12 മണിക്കൂറിനുള്ളില് ഫലം ലഭ്യമാക്കാമെന്ന് ഇന്സ്റ്റിറ്റിയൂട്ട് അധികൃതര് അറിയിച്ചിട്ടുണ്ടെന്നും മന്ത്രി പറഞ്ഞു. നിലവില് ഒരു പോസിറ്റീവ് കേസ് മാത്രമാണ് റിപ്പോര്ട്ട് ചെയ്തിട്ടുള്ളത്.
പൂനെ വൈറോളജി ഇന്സ്റ്റിറ്റിയൂട്ടില്നിന്ന് ഇതുസംബന്ധിച്ച് അറിയിപ്പ് ലഭിച്ച ഉടന്തന്നെ ആരോഗ്യവകുപ്പ് അടിയന്തര യോഗം വിളിച്ചുചേര്ത്തിരുന്നു. വിവിധ കമ്മിറ്റികള് ഈ അടിസ്ഥാനത്തില് രൂപീകരിച്ചിട്ടുണ്ട്. വൈറസ് സ്ഥിരീകരിച്ച കുട്ടിയുമായി അടുത്ത സമ്പര്ക്കത്തില്പെട്ടവര്, ചികില്സ തേടിയ സ്വകാര്യ ക്ലിനിക്ക്, സ്വകാര്യാശുപത്രികള്, മെഡിക്കല് കോളജ് എന്നിവിടങ്ങളിലെ സമ്പര്ക്ക പട്ടിക തയ്യാറായിട്ടുണ്ട്. 188 പേരാണ് നിലവില് സമ്പര്ക്ക പട്ടികയിലുള്ളത്. ഇതില് 18 പേര് ഹൈ റിസ്ക് സമ്പര്ത്തിലുള്ളവരാണ്. ആരോഗ്യപ്രവര്ത്തകരായ രണ്ട് പേര്ക്കാണ് രോഗലക്ഷണങ്ങളുള്ളത്. ഒരാള് മെഡിക്കല് കോളജിലേയും മറ്റൊരാള് സ്വകാര്യ ആശുപത്രിയിലേയും ജീവനക്കാരനാണ്.
കുട്ടിയുടെ റൂട്ട് മാപ്പുമായി ബന്ധപ്പെട്ട് ആരും വിട്ടുപോകാത്ത തരത്തിലുള്ള സമ്പര്ക്ക പട്ടികയാണ് ശേഖരിക്കുന്നത്. നിപ പ്രവര്ത്തനങ്ങളുമായി ബന്ധപ്പെട്ട് പരിചയ സമ്പന്നരായ ആരോഗ്യപ്രവര്ത്തകരെയും ഉപയോഗപ്പെടുത്തും. ആശങ്ക വേണ്ട, അതീവജാഗ്രത കര്ശനമായും പാലിക്കണം. കേന്ദ്രസംഘമെത്തി സ്ഥിതിഗതികള് വിലയിരുത്തുന്നുണ്ട്. അതോടൊപ്പം ആരോഗ്യവകുപ്പിലെ ഉന്നത ഉദ്യോഗസ്ഥരും ജില്ലയിലെത്തും. ന്യൂ ഡല്ഹി ഇന്ത്യന് കൗണ്സില് ഓഫ് മെഡിക്കല് റിസര്ച്ച് അധികൃതരോട് പുതിയ മോണോക്ലോണല് ആന്റിബോഡി ആവശ്യപ്പെട്ടിട്ടുണ്ട്. ഏഴ് ദിവസത്തിനുള്ളില് ലഭ്യമാക്കുമെന്ന് മറുപടി ലഭിച്ചതായും മന്ത്രി അറിയിച്ചു.
യോഗത്തില് എം കെ രാഘവന് എംപി, പി ടി എ റഹിം എംഎല്എ, ജില്ലാ പഞ്ചായത്ത് പ്രസിഡന്റ് ഷീജ ശശി, ജില്ലാ കലക്ടര് ഡോ.എന് തേജ് ലോഹിത് റെഡ്ഢി, ഡിസിപി സ്വപ്നില് എം മഹാജന്, ജില്ലാ മെഡിക്കല് ഓഫിസര് ഡോ.വി ജയശ്രീ, ആരോഗ്യവകുപ്പ് അസി.ഡയറക്ടര് ഡോ. കെ ആര് വിദ്യ, ആരോഗ്യകേരളം ജില്ലാ പ്രോഗ്രാം മാനേജര് ഡോ.എ നവീന് വിവിധ വകുപ്പ് ഉദ്യോഗസ്ഥര് എന്നിവര് പങ്കെടുത്തു. ആരോഗ്യവകുപ്പ് പ്രിന്സിപ്പല് സെക്രട്ടറി രാജന് ഖോബ്രഗഡെ ഓണ്ലൈനായി പങ്കെടുത്തു.
RELATED STORIES
പതിനഞ്ചുകാരി വീട്ടില് പ്രസവിച്ച കേസില് പിതാവ് അറസ്റ്റില്
29 July 2025 11:24 AM GMTസര്ക്കാര് ഭൂമി കൈയ്യേറി റിസോര്ട്ട് നിര്മാണമെന്ന്; മാത്യു...
29 July 2025 11:09 AM GMTവിദ്യാര്ഥികളുമായുള്ള ചര്ച്ച പരാജയം, സ്വകാര്യബസുടമകള് സമരത്തിലേക്ക്
29 July 2025 11:01 AM GMTകണ്ണൂരില് ആര്എസ്എസ് പ്രവര്ത്തകരുടെ നേതൃത്വത്തില് മൃഗബലി നടന്നെന്ന് ...
29 July 2025 10:47 AM GMTമരം മുറിക്കുന്നതിനിടെ പോസ്റ്റ് ഒടിഞ്ഞുവീണ് ഫയര്ഫോഴ്സ് ഉദ്യോഗസ്ഥന്...
29 July 2025 10:26 AM GMTബസില് യുവതിയ്ക്ക് നേരെ നഗ്നതാപ്രദര്ശനം; പ്രതിയ്ക്കായി അന്വേഷണം
29 July 2025 10:13 AM GMT