സിബിഐ അന്വേഷണം വേണം;മധുവിന് നീതി തേടി കുടുംബം ഹൈക്കോടതിയിലേക്ക്
ആദിവാസി യുവാവായ മധുവിനെ മര്ദിച്ച് കൊലപ്പെടുത്തിയ സംഭവം നടന്ന് നാല് വര്ഷമായിട്ടും വിചാരണ നടപടികള് പോലും ആരംഭിക്കാത്ത സാഹചര്യത്തിലാണ് കുടുംബത്തിന്റെ നീക്കം
പാലക്കാട്:അട്ടപ്പാടിയില് ആള്ക്കൂട്ടം തല്ലിക്കൊന്ന ആദിവാസി യുവാവ് മധുവിന്റെ കേസില് സിബിഐ അന്വേഷണം ആവശ്യപ്പെട്ട് ഹൈക്കോടതിയെ സമീപിക്കുമെന്ന് കുടുംബം. കേസില് കൂടുതല് പ്രതികള് ഉണ്ടെന്ന് ചൂണ്ടിക്കാട്ടിയാണ് കുടുംബം സിബിഐ അന്വേഷണം ആവശ്യപ്പെടുന്നത്.
ആദിവാസി യുവാവായ മധുവിനെ മര്ദിച്ച് കൊലപ്പെടുത്തിയ സംഭവം നടന്ന് നാല് വര്ഷമായിട്ടും വിചാരണ നടപടികള് പോലും ആരംഭിക്കാത്ത സാഹചര്യത്തിലാണ് കുടുംബത്തിന്റെ നീക്കം. കഴിഞ്ഞ ദിവസം കേസ് പരിഗണിച്ചപ്പോള് മധുവിനായി ആരും ഹാജരായിരുന്നില്ല. ഇതേത്തുടര്ന്ന് കേസ് ഫെബ്രുവരി 26 ലേക്ക് മാറ്റി. കേസില് സെപ്ഷ്യല് പബ്ലിക് പ്രോസിക്യൂട്ടറായി സര്ക്കാര് നിയോഗിച്ച വിടി രഘുനാഥ് കോടതിയില് ഹാജരായിരുന്നില്ല. ഇതിന് പിന്നാലെ മണ്ണാര്ക്കാട് എസ്സി, എസ്ടി പ്രത്യേക കോടതി രൂക്ഷമായ ഭാഷയില് വിമര്ശനം ഉന്നിയിച്ചിരുന്നു. കേസില് നിന്നും ഒഴിയാന് നേരത്തെ പ്രോസിക്യൂട്ടര് കത്ത് നല്കിയിരുന്നു. ഇതിന് പിന്നാലെയായാണ് ഇയാള് തുടര്ച്ചയായി കോടതിയില് നിന്നും ഹാജരാവുന്നതില് നിന്ന് വിട്ട് നിന്നത്. ഇതിന് പിന്നാലെയാണ് കുടുംബത്തിന്റെ പ്രതികരണം.
കേസില് വിചാരണ വൈകുന്നതില് നിരാശയുണ്ടെന്ന് വ്യക്തമാക്കിയ കുടുംബം പ്രോസിക്യൂട്ടര് ഹാജരാകാത്തത് എന്തുകൊണ്ടെന്നറിയില്ലെന്നും പ്രതികരിച്ചു. സംഭവത്തില് സിബിഐ അന്വേഷണം ആവശ്യപ്പെട്ട് ഹൈക്കോടതിയെ സമീപിക്കും. ഇതിനായുള്ള നടപടികള് പുരോഗമിക്കുകയാണെന്നും മധുവിന്റെ കുടുംബം പ്രതികരിച്ചു. കേസിലെ എല്ലാ പ്രതികളും നിലവില് ജാമ്യത്തിലാണ്.
RELATED STORIES
കോഴിക്കോട്ട് ഓട്ടോറിക്ഷയില് ഡ്രൈവറെ വെട്ടേറ്റ് മരിച്ചനിലയില്...
28 April 2024 5:49 AM GMTരാജ്യത്തിന്റെ വീണ്ടെടുപ്പിന് സ്ത്രീകള് വോട്ട് ചെയ്യണം: സുനിത നിസാര്
25 April 2024 6:45 PM GMTതലപ്പുഴയില് മാവോവാദികള് എത്തി; തിരഞ്ഞെടുപ്പ് ബഹിഷ്കരിക്കാന്...
24 April 2024 6:19 AM GMTശില്പ്പ ഷെട്ടിയുടെയും ഭര്ത്താവിന്റെയും 97 കോടിയുടെ സ്വത്ത്...
18 April 2024 12:11 PM GMTചാംപ്യന്സ് ലീഗില് പിഎസ്ജി-ഡോര്ട്ട്മുണ്ട് സെമി; ബാഴ്സയും...
17 April 2024 6:08 AM GMTഫലസ്തീന് പ്രശ്നപരിഹാരം കൂടാതെ പശ്ചിമേഷ്യന് സംഘര്ഷം...
16 April 2024 5:37 PM GMT