സംസ്ഥാനത്തെ കൊവിഡ് മരണം 30 ആയി

കൊച്ചി: സംസ്ഥാനത്ത് ഒരു കൊവിഡ് മരണം കൂടി. എറണാകുളത്ത് ഹൃദയാഘാതം മൂലം മരണപ്പെട്ട സ്ത്രീക്കാണ് കൊവിഡ് 19 സ്ഥിരീകരിച്ചത്. എറണാകുളം ആലുവ രാജഗിരി ആശുപത്രിയില്‍ ചികില്‍സയിലായിരുന്ന ഇടുക്കി രാജാക്കാട് സ്വദേശിനി വല്‍സമ്മ ജോയി(59)യാണ് ഇന്നു രാവിലെ 10ഓടെ മരണപ്പെട്ടത്. ഇതോടെ സംസ്ഥാനത്ത് കൊവിഡ് ബാധിച്ച് മരിച്ചവരുടെ എണ്ണം 30 ആയി. മരണശേഷം നടത്തിയ പരിശോധനയിലാണ് വല്‍സമ്മ ജോയിക്ക് കൊവിഡ് സ്ഥിരീകരിച്ചത്. ലക്ഷണങ്ങളില്ലായിരുന്നെങ്കിലും കൊവിഡ് സിബിനാറ്റ് പരിശോധന നടത്തിയപ്പോഴാണു പോസിറ്റീവാണെന്നു കണ്ടെത്തിയത്. സമ്പൂര്‍ണ ലോക്ക് ഡൗണില്‍ ഇളവ് വരുത്തിയ ശേഷം കൊവിഡ് രോഗികളുടെ എണ്ണവും ദിനംപ്രതി ഉയരുകയാണ്.

Covid death toll rises to 30 in Kerala