രാഹുല് ഗാന്ധി കേരളത്തില്; സുരക്ഷ ശക്തമാക്കി പോലിസ്
കണ്ണൂര്: മൂന്ന് ദിവസത്തെ സന്ദര്ശനത്തിനായി രാഹുല് ഗാന്ധി എം പി കേരളത്തിലെത്തി. രാവിലെ കണ്ണൂരില് വിമാനമിറങ്ങുന്ന രാഹുല് ഗാന്ധിയെ കെ സുധാകരനും മറ്റ് കോണ്ഗ്രസ് നേതാക്കളും പ്രവര്ത്തകരും ചേര്ന്ന് സ്വീകരിച്ചു. കണ്ണൂര് ഡിസിസിയുടെ നേതൃത്വത്തില് ഏഴിടങ്ങളിലെ സ്വീകരണത്തിന് ശേഷം രാഹുല് ഗാന്ധി വയനാട്ടിലേക്ക് തിരിക്കും. തിരുവനന്തപുരത്ത് എകെജി സെന്ററിന് നേരെ ബോംബേറുണ്ടായ പശ്ചാത്തലത്തില് രാഹുല് ഗാന്ധിയുടെ സുരക്ഷയ്ക്കായി വന് പോലിസ് സന്നാഹത്തെയാണ് നിയോഗിച്ചിരിക്കുന്നത്. നേരത്തെ രാഹുല് ഗാന്ധിക്ക് നിശ്ചയിച്ചിരുന്ന സുരക്ഷ വര്ധിപ്പിക്കാനാണ് തീരുമാനം.
വയനാട്ടില് ഇന്ന് നാല് പരിപാടികളിലാണ് രാഹുല് ഗാന്ധി പങ്കെടുക്കുക. എകെജി സെന്ററിന് നേരെ ആക്രമണമുണ്ടായ സാഹചര്യത്തില് എല്ലാ പരിപാടികളിലും പോലിസ് സുരക്ഷ ശക്തമാക്കാനാണ് തീരുമാനം. മാനന്തവാടി ഒണ്ടയങ്ങാടിയില് നടക്കുന്ന ഫാര്മേഴ്സ് ബാങ്ക് ബില്ഡിംഗിന്റെ ഉദ്ഘാടനമാണ് ജില്ലയിലെ ആദ്യപരിപാടി. തുടര്ന്ന് വയനാട് കലക്ടറേറ്റില് നടക്കുന്ന ദിശ മീറ്റിംഗിലും എംപി ഫണ്ട് അവലോകനയോഗത്തിലും അദ്ദേഹം പങ്കെടുക്കും. വൈകിട്ട് നാല് മണിക്ക് ബഫര്സോണ് ഉത്തരവില് പ്രതിഷേധിച്ച് ബത്തേരി ഗാന്ധി സ്ക്വയറില് നടക്കുന്ന ബഹുജന സംഗമത്തോടെ ആദ്യ ദിവസത്തെ പരിപടികള് അവസാനിക്കും. എംപി ഓഫിസ് ആക്രമത്തിന്റെ പശ്ചാത്തലത്തിലാണ് രാഹുല് ഗാന്ധിയുടെ സന്ദര്ശനം. സംഘര്ഷ സാധ്യത നിലനില്ക്കുന്നതിനാല് കനത്ത പോലിസ് സുരക്ഷയാണ് ജില്ലയില് ഏര്പ്പെടുത്തിയിരിക്കുന്നത്.
RELATED STORIES
തുടര്ച്ചയായ രണ്ടാം ജയവുമായി രാജസ്ഥാന് റോയല്സ്; ഡല്ഹി...
28 March 2024 7:05 PM GMTതുടര് ജയം ലക്ഷ്യം; സഞ്ജുവും കൂട്ടരും ഇന്നിറങ്ങുന്നു; എതിരാളികള്...
28 March 2024 7:00 AM GMTസണ്റൈസേഴ്സിന്റെ കൂറ്റന് സ്കോറിന് മുന്നില് പൊരുതി വീണ് മുംബൈ;...
27 March 2024 6:19 PM GMTഅടിയോടടി; മുംബൈയെ ചെണ്ടയാക്കി കൊട്ടി സണ്റൈസേഴ്സിന്റെ ആട്ടം;...
27 March 2024 4:34 PM GMTതുടക്കം കസറി; ഐപിഎല്ലില് വിജയത്തുടക്കവുമായി രാജസ്ഥാന്; ടോപ്...
24 March 2024 2:20 PM GMTഐപിഎലിൽ ഡൽഹി ക്യാപിറ്റൽസിനെ ഋഷഭ് പന്ത് നയിക്കും
20 March 2024 2:20 PM GMT