കണ്ണൂര് സെന്ട്രല് ജയിലിലെ കൊല: ഒമ്പത് ആര്എസ്എസ്സുകാര് കുറ്റക്കാര്
ശിക്ഷ അല്പസമയത്തിനകം പ്രഖ്യാപിക്കും
തലശ്ശേരി: കണ്ണൂര് സെന്ട്രല് ജയിലില് സിപിഎം പ്രവര്ത്തകന് കക്കട്ടില് അമ്പലക്കുളങ്ങര കെ പി രവീന്ദ്രനെ കൊലപ്പെടുത്തിയ കേസില് ഒമ്പത് ആര്എസ്എസ്-ബിജെപി പ്രവര്ത്തകര് കുറ്റക്കാരെന്ന് കോടതി കണ്ടെത്തി. നാദാപുരം കക്കട്ട് അമ്പലക്കുളങ്ങരയിലെ കല്ലുപുരയില് കെ പി രവീന്ദ്രനെ(48) കൊലപ്പെടുത്തിയ കേസിലാണ് ആര്എസ്എസ്, ബിജെപി പ്രവര്ത്തകരായ പവിത്രന്, ഫല്ഗുനന്, കെ പി രഘു, സനല്പ്രസാദ്, പി കെ ദിനേശന്, കൊട്ടക്ക ശശി, അനില് കുമാര്, തരശിയില് സുനി, പി വി അശേകന് എന്നിവര് കുറ്റക്കാരെന്ന് തലശ്ശേരി അഡീഷനല് ജില്ലാ സെഷന്സ് കോടതി കണ്ടെത്തിയത്. ശിക്ഷ അല്പസമയത്തിനകം പ്രഖ്യാപിക്കും. 20 ജീവപര്യന്ത തടവുകാരും 11 വിചാരണ തടവുകാരും ഉള്പ്പെടെ 31 ആര്എസ്എസ് പ്രവര്ത്തകരായിരുന്നു പ്രതികള്. കേരളത്തിലെ ജയിലില് നടന്ന ആദ്യത്തെ രാഷ്ട്രീയ കൊലപാതകമാണിത്. കൊലപാതകം നടന്ന് 15 വര്ഷങ്ങള്ക്ക് ശേഷമാണു വിധി പ്രഖ്യാപിക്കുന്നത്. 2004 ഏപ്രില് ആറിനാണു കേസിനാസ്പദമായ സംഭവം. ആര്എസ്എസ് പ്രവര്ത്തകനെ വധിച്ച കേസില് ജീവപര്യന്തം തടവിന് ശിക്ഷിക്കപ്പെട്ട് കണ്ണൂര് സെന്ട്രല് ജയിലില് കഴിയുകയായിരുന്നു കൊല്ലപ്പെട്ട രവീന്ദ്രന്. ജയില് ബ്ലോക്കില് ഫാന് ഘടിപ്പിക്കുന്നതുമായി ബന്ധപ്പെട്ട തര്ക്കത്തിനൊടുവിലാണ് തലയ്ക്കടിയേറ്റ് കൊല്ലപ്പെട്ടത്. ജയില് ഉദ്യോഗസ്ഥരും തടവുകാരും ഉള്പ്പെടെ 71 സാക്ഷികളാണുള്ളത്. ഒന്നാം സാക്ഷി ജയില് ഉദ്യോഗസ്ഥന് പ്രവീണും രണ്ടാംസാക്ഷി ശശീന്ദ്രനുമാണ്. പ്രോസിക്യൂഷനുവേണ്ടി സ്പെഷ്യല് പബ്ലിക് പ്രോസിക്യൂട്ടര് എം കെ ദിനേശന് ഹാജരായി.
RELATED STORIES
ത്രിപുരയില് വീണ്ടും വോട്ടെടുപ്പ് നടത്തണമെന്ന് ഇടതുമുന്നണി; പരാതിക്ക്...
20 April 2024 10:40 AM GMTതനിക്കെതിരെ എസ്എഫ്ഐ നടത്തിയത് പ്രതിഷേധമല്ല, ആക്രമണമാണ്: ഗവര്ണര്...
20 April 2024 10:34 AM GMTപക്ഷിപ്പനി; പഞ്ചായത്ത് തല സമിതികള് കൂടി മേല്നടപടികള് സ്വീകരിക്കും: ...
20 April 2024 10:30 AM GMTതൊഴിലാളികളെ രാഷ്ട്രീയവല്ക്കരിക്കും; എസ്ഡിടിയു സംസ്ഥാന പ്രതിനിധി...
20 April 2024 10:27 AM GMTനുണക്ക് സമ്മാനം കൊടുക്കുകയാണെങ്കിൽ ഒന്നാം സ്ഥാനം വിഡി സതീശന് കിട്ടും : ...
20 April 2024 10:26 AM GMTതെലങ്കാനയില് ക്രിസ്ത്യന് സ്കൂള് ആക്രമിച്ച സംഭവം: 12 ഹിന്ദുത്വരെ...
20 April 2024 9:28 AM GMT