രാജ്യം സാമ്പത്തിക പ്രതിസന്ധിയില്; പ്രധാനമന്ത്രി സംസാരിക്കുന്നത് പശുവിനെക്കുറിച്ചെന്ന് കോണ്ഗ്രസ്
പശുവിന്റെ പേരിലുള്ള ആക്രമണങ്ങളെ കുറിച്ച് എന്തുകൊണ്ട് പ്രധാനമന്ത്രി മൗനം പാലിക്കുന്നുവെന്നായിരുന്നു എഐഎംഐഎം നേതാവ് അസദുദ്ദീന് ഒവൈസിയുടെ ചോദ്യം.
ന്യൂഡല്ഹി: രാജ്യം സാമ്പത്തിക പ്രതിസന്ധിയില് വീര്പ്പുമുട്ടുമ്പോളും പ്രധാനമന്ത്രി സംസാരിക്കുന്നത് പശുവിനെ കുറിച്ചാണെന്ന വിമര്ശനവുമായി കോണ്ഗ്രസ്സ്. യഥാര്ത്ഥ പ്രശ്നങ്ങളില് ശ്രദ്ധ തിരിക്കാനാണ് മോദി പശുവിനെ കുറിച്ചും ഓംകാരത്തെ കുറിച്ചും പറയുന്നതെന്ന് കോണ്ഗ്രസ്സ് വിമര്ശിച്ചു.
പശുവിന്റെ പേരിലുള്ള ആക്രമണങ്ങളെ കുറിച്ച് എന്തുകൊണ്ട് പ്രധാനമന്ത്രി മൗനം പാലിക്കുന്നുവെന്നായിരുന്നു എഐഎംഐഎം നേതാവ് അസദുദ്ദീന് ഒവൈസിയുടെ ചോദ്യം.
പശുവെന്നും ഓം എന്നും കേള്ക്കുമ്പോള് രാജ്യം പതിനാറാം നൂറ്റാണ്ടിലേക്ക് പോകുന്നെന്ന് ചിലര് നിലവിളിക്കുന്നു. പശുവിനെ സംരക്ഷിക്കുന്നതെങ്ങനെയാണ് പിന്വാങ്ങലാകുന്നതെന്നും, ഇത്തരക്കാര് രാജ്യത്തിന്റെ വികസനത്തെയാണ് നശിപ്പിക്കുന്നതെന്നുമായിരുന്നു പ്രധാനമന്ത്രിയുടെ കുറ്റപ്പെടുത്തല്.